«Qazirgi ýaqytta 8,2 mln-nan astam adam birinshi komponentpen, al ekinshisimen - 7,4 mln-ǵa jýyq adam egildi. Kórip otyrǵanymyzdaı, vaksınasııa qarqyny tómendedi. Birinshi kezekte artta qalǵan óńirlerde ekpe saldyrýdy ulǵaıtý kerek», dedi Mamın.
Ol Mańǵystaý, Batys Qazaqstan, Qostanaı, Aqmola oblystary men Nur-Sultan qalasy ákimderi bul máseleni jeke baqylaýǵa alyp, qajetti vaksınalaýdy qamtamasyz etýi qajet ekenin aıtty.
Onyń aıtýynsha, Qazaqstanda epıdemıologııalyq jaǵdaı baqylaýda, alaıda kórshi elderdegi jaǵdaıdyń kúrdelenýi baıqalady.
«Sondyqtan óńirlerdiń, ásirese shekara mańyndaǵy óńirlerdiń ákimderi sanıtarlyq-epıdemıologııalyq normalardyń qatań saqtalýyn qamtamasyz etýi kerek. Syrqattanýshylyq deńgeıine naqty monıtorıng júrgizý jáne jedel sharalar qabyldaý, monıtorıngtik toptardyń jumysyn jandandyrý, al densaýlyq saqtaý mınıstrligi memlekettik shekarada epıdemıologııalyq baqylaýdy kúsheıtsin», dep túıindedi Premer-Mınıstr.
