Bilim • 26 Qazan, 2021

Mektep kitaphanalary 2,5 mln-daı kórkem ádebıetpen qamtamasyz etildi

58 ret kórsetildi

«Oqýǵa qushtar mektep» jobasy aıasynda mektep kitaphanalaryna 2,5 mıllıonǵa jýyq kórkem ádebıet satyp alyndy. Bul týraly búgin apparattyq keńeste Respýblıkalyq ǵylymı-praktıkalyq bilim berý mazmunyn saraptaý ortalyǵynyń dırektory Eldos Nurlanov málim etti, dep jazady Egemen.kz.

Kitaptardyń basym bóligi Shyǵys Qazaqstan, Jambyl jáne Pavlodar oblystarynda satyp alyndy. Eldos Nurlanovtyń aıtýynsha, kitaphana qorynyń basym bóligi memlekettik tildegi ádebıettermen tolyqtyrylǵan.

«О́tken jylmen salystyrǵanda negizgi qor 2,5 mıllıon kitapqa artty. Nátıjesinde jas oqyrmandardyń sany aıtarlyqtaı ósti. Jobany iske asyrý kezeńinde mektep oqýshylarynyń kitaphanaǵa degen qyzyǵýshylyǵy arta tústi. Osy oqý jylynyń basynan bastap Túrkistan, Pavlodar, Soltústik Qazaqstan jáne Qostanaı oblystarynda bir oqýshy kitaphanaǵa orta eseppen 10 retten astam, al Almaty, Shymkent qalalarynda, Qyzylorda, Mańǵystaý, Atyraý jáne basqa da oblystarda 6-9 ret barǵan. Bul balalardyń kórkem ádebıetke kóbirek qyzyǵýshylyq tanyta bastaǵanyn kórsetedi», dedi respýblıkalyq ǵylymı-praktıkalyq bilim berý mazmunyn saraptaý ortalyǵynyń dırektory Eldos Nurlanov.

«Oqýǵa qushtar mektep» jobasy júzege asyryla bastaǵannan beri mektep kitaphanalary men ondaǵy oryndar sany da kóbeıdi. Mektepterde balalardyń kitap oqýy úshin qolaıly jaǵdaılar jasalyp jatyr. Osy maqsatta jalpy respýblıka boıynsha 121 kovorkıng-ortalyǵy ashyldy.

Balalardyń oqýǵa degen qyzyǵýshylyǵyn arttyrý úshin 3,7 myńnan astam is-shara uıymdastyryldy. Bilim jáne ǵylym mınıstri Ashat Aımaǵambetov «Oqýǵa qushtar mektep» jobasyn júzege asyrýdyń mańyzdylyǵyn atap ótip, oqýshylardyń oqýǵa degen qyzyǵýshylyǵyn arttyrý boıynsha keshendi jumysty jalǵastyrýdy tapsyrdy.

«Oqýǵa qushtar mektep» jobasy Memleket basshysynyń tapsyrmasy boıynsha júzege asyrylýda. Biz qoıylǵan mindetti oryndap jatyrmyz, qazirdiń ózinde oń nátıje bar dep aıtýǵa bolady. Joba iske asyrylǵannan bastap mektep kitaphanalarynda kórkem ádebıet sany aıtarlyqtaı ósti, onyń ishinde memlekettik tildegi ádebıetter. Eger buǵan deıin qazaq tilindegi ádebıetter az bolsa, qazir kitap qorynyń basym bóligin memlekettik tildegi ádebıetter tolyqtyrdy. Sonymen qatar tek qazaqstandyq avtorlardyń ǵana emes, álemdik ádebıet týyndylary da bar. «Oqýǵa qushtar mektep» – óte mańyzdy joba, sondyqtan bul jumysty jalǵastyrý qajet», dep atap ótti Ashat Aımaǵambetov.

Sońǵy jańalyqtar

Belarýssııa referendým ótkizedi

Álem • Búgin, 13:05

30 soqqy – 1 gol

Fýtbol • Búgin, 12:51

Mýngııanyń armany – Golovkın

Kásipqoı boks • Búgin, 10:35

QazUÝ-da Táýelsizdiktiń onkúndigi bastaldy

Táýelsizdiktiń 30 jyldyǵy • Búgin, 09:55

«Qyzyl» aımaqta qalǵan jalǵyz-aq oblys

Koronavırýs • Búgin, 09:50

Qazaqstanda qansha adam vaksına saldyrdy

Koronavırýs • Búgin, 09:45

1137 adam koronavırýs indetinen saýyqty

Koronavırýs • Búgin, 09:30

Omıkron álemniń 20 memleketinen tabyldy

Koronavırýs • Búgin, 00:00

Altaı úzdikteri anyqtaldy

Aımaqtar • Keshe

Uqsas jańalyqtar