Qazaqstan Respýblıkasynyń ál-Farabı atyndaǵy ǵylym men tehnıka salasyndaǵy eki memlekettik syılyq beriledi:
- «Rozeofýngın-AS» jańa otandyq biregeı dárilik preparatyn ázirleý jáne óndirýdi uıymdastyrý» taqyrybyndaǵy jumysy úshin,
- «Qazaqstan Respýblıkasynyń bıologııalyq qaýipsizdigin qamtamasyz etý: ozyq ǵylymı tehnologııalar jáne óndiris» taqyrybyndaǵy jumystar sıkli úshin.
BǴM túsindirme jazbasyna sáıkes, 2021 jylǵa arnalǵan «Memlekettik syılyqtar men stıpendııalar» bıýdjettik baǵdarlamasy boıynsha ál-Farabı atyndaǵy ǵylym men tehnıka salasyndaǵy QR Memlekettik syılyǵynyń somasy 37 200 000 teńgeni quraıdy. Eki ujym 18 600 000 teńgeden syıaqy alady.
Jarlyq jobasy 5 qarashaǵa deıin «Ashyq NQA» saıtynda jarııa talqylaý úshin ornalastyrylǵan.
«Mıkrobıologııa jáne vırýsologııa ǵylymı-óndiristik ortalyǵy» ınstıtýt qyzmetkerleri ázirlegen bıopreparattardyń 7 túrin shyǵarady, onyń ishinde «Rozeofýngın-AS» – bul otandyq prodýsent negizinde alynǵan, zeńge qarsy jáne vırýsqa qarsy belsendiligi joǵary alǵashqy biregeı júz paıyz otandyq preparat. Instıtýt zaýytynda mıkroorganızmdi ósirý úshin qorektik orta daıyndaýdan bastap preparat alýǵa jáne týbaǵa jaqpa oraýǵa deıingi búkil óndiris tizbegi iske qosyldy.
«Bıologııalyq qaýipsizdik problemalarynyń ǵylymı-zertteý ınstıtýty» halyqty vaksınasııalaýda belsendi qoldanylatyn QazVac koronavırýstyq ınfeksııasyna qarsy otandyq vaksınany ázirledi.
