Ortalyq kommýnıkasııalar qyzmetindegi baspasóz máslıhaty barysynda BAQ ókilderi arab ınvestorlarmen jasalǵan kelisimder qandaı salalarǵa áser etetindigin surady.
«Elektr energetıkasynan basqa aýyl sharýashylyǵy, framasevtıka, týrzım, kólik jáne logıstıka salalary bar. Agroónerkásip keshenine 50 mln dollardan astam ınvestısııa tartylady. Jyl saıyn 8 myń tonnadan astam qoı eti shyǵarylatyn bolady. Bul keleshekte elimizde aýyl sharýashylyǵy salasyndaǵy eksportty arttyrýǵa múmkindik beredi. Al týrızm salasyn aıtatyn bolsaq, Shyǵys Qazaqstan oblysynda Qatonqaraı týrıstik kesheni salynady.
Osy jobaǵa 120 mln dollar ınvestısııa tartylady. Farmasevtıka baǵytynda arab kompanııalarymen yntymaqtastyq elimizdi qoljetimdi dári-dármekpen qamtamasyz etýge jaǵdaı jasaıdy. Kólik jáne logıstıka boıynsha Qazaqstannyń kóterme taratý ortalyqtary jelisin damytýǵa múmkindik beredi. Osy ınvestısııalyq jobalar azamattarymyzdy jańa jumys oryndarymen qamtamasyz etedi», dedi mınıstr.
Aıta keteıik, 2021 jylǵy 9-10 qazanda QR Premer-Mınıstri Asqar Mamın Birikken Arab Ámirlikterine jumys saparymen bardy.
