Barlyq úıler elektr energııasymen, tabıǵı gazben, aýyz sýmen qamtamasyz etilgen. Zardap shekken nysandardy tez jáne sapaly qalpyna keltirý úshin qurylysshylar úzdiksiz jumys istedi. Úılerdi salý kezinde biryńǵaı sáýlet stıli saqtalǵan.
«Tótenshe jaǵdaıdyń saldarynan bizdiń úı qatty buzyldy. Jarylystan keıin kóp uzamaı qurylysshylar kelip, qalpyna keltirý jumystaryna kiristi. Tipti saraı da retke keltirildi. Shynymdy aıtsam, qýanyshta shek joq. El basshylyǵyna, oblys basshylyǵyna qıyn sátterde qoldaý kórsetkeni úshin kómektesken barlyq janashyr qazaqstandyqtarǵa alǵysymyzdy bildiremiz», dedi Raýshan Mamytbekova.
Turǵyndar atynan Oljas Raıymbekov pen Qosbek Serkebaev ta alǵystaryn bildirdi.
«Bizdiń aýylda túbegeıli ózgerister boldy. Elektr jelileri jańartyldy, barlyq kóshelerde jaryqtandyrý júrgizildi. Qazir barlyq kósheler asfalttalǵan. Bir sózben aıtqanda, biz bárine rızamyz», dedi Ábdiǵappar Súıindik.
О́ńir basshysy basty mindet - qaýipsizdikti qamtamasyz etý jáne halyqtyń turmysyn jaqsartý ekenin atap ótti.
«Memleket basshysynyń tapsyrmalaryna sáıkes qalpyna keltirý jumystary dereý bastalyp, bir mınýtqa da toqtaǵan joq. Kórip otyrǵanymyzdaı, aýyl jańa kelbetke ıe boldy. Turǵyndar úshin barlyq qajetti jaǵdaılar jasalǵan. Halyqtyń ál-aýqatyn arttyrý - memlekettiń negizgi mindeti. Birligimizdiń, eńbeksúıgishtigimizdiń, maqsatkerligimizdiń arqasynda biz alǵa qoıǵan barlyq maqsattarǵa qol jetkizemiz dep senemin», dedi Berdibek Saparbaev.
Oblys ákimi qalpyna keltirý jumystarymen aınalysqan merdiger kompanııalardy Alǵys hattarmen marapattady.
Baızaq aýdany ákiminiń orynbasary Qaırat Ismaıldiń aıtýynsha, oblys ákiminiń tapsyrmasyna sáıkes otbasylarǵa qajetti áleýmettik qoldaý kórsetilýde. Ol halyqtyń áleýmettik osal toptaryna jatatyn qala turǵyndaryn gazben qamtamasyz etý jumystary júrgizilip jatqanyn atap ótti. Aýyl halqy 100% ortalyqtandyrylǵan sýmen qamtamasyz etilgen.
Áleýmettik kómek retinde árbir otbasy 300 myń teńgeden aldy. Sondaı-aq, kásipkerler ár otbasyna 200 myń teńgeden bóldi. Budan basqa, «Senim Baızaq» qoryna túsken qarajat esebinen sharýashylyq qurylystary qalpyna keltirildi.
Jumys sapary barysynda óńir basshysy Jibek joly aýylyndaǵy 150 oryndyq mektep qurylysynyń barysymen tanysty. Merdiger mekeme - «Syrym Beleke» JShS.
Qazirgi ýaqytta qurylys jumystarynyń 50%-y aıaqtaldy. Nysandy kelesi jyldyń qańtar aıynda tapsyrý josparlanýda.
Oblys ákimi Berdibek Saparbaev qurylys jumystaryn sapaly ári merziminde aıaqtaýdy tapsyrdy.
Tótenshe jaǵdaı saldarynan 176 nysan zardap shekti, 168 nysan tolyq qalpyna keltirildi. Búgingi tańda 12 bıznes nysannyń 5-i jóndeldi. 7 nysanda qurylys jumystary qarqyndy júrip jatyr.
