Alqaly jıynǵa Halyqaralyq Túrki akademııasynyń basshysy Darhan Qydyráli, Ázerbaıjan Respýblıkasynyń Bilim mınıstri Emın Amrýllaev, Qazaqstan Respýblıkasynyń Bilim jáne ǵylym mınıstri Ashat Aımaǵambetov, Qyrǵyz Respýblıkasynyń Bilim jáne ǵylym mınıstri Bolotbek Kýpeshev, Túrkııa Respýblıkasynyń Ulttyq bilim mınıstri Mahmýt О́zer, О́zbekstan Respýblıkasynyń Halyq aǵartý mınıstriniń orynbasary Temırjon Kamılov, Túrkııa Respýblıkasy Joǵary bilim keńesiniń tóraǵasy Erol О́zvar jáne Majarstannyń Ystambul qalasyndaǵy Bas konsýly Laslo Keller qatysty.
Otyrysty ashqan Túrkııanyń Ulttyq bilim mınıstri Mahmýd О́zer Akademııanyń qyzmetine oń baǵa berdi. Ol Túrkııa tarapy Halyqaralyq Túrki akademııasynyń tili, tarıhy men mádenıeti ortaq túrki halyqtary arasyndaǵy baýyrlastyqty nyǵaıtýǵa baǵyttalǵan talpynystaryn quptap, bul baǵytta jan-jaqty qoldaý kórsetýge daıyn ekenin atap ótti.
Halyqaralyq Túrki akademııasynyń prezıdenti Darhan Qydyráli Túrkııa tarapyna Ǵylymı keńestiń IV otyrysyn joǵary deńgeıde ótkizgeni úshin alǵys aıtyp, uıymnyń atqarǵan jumystary týraly baıandady. Akademııa basshysy pandemııadan týyndaǵan máseleler men qarjylyq qıyndyqtarǵa qaramastan, ótken jylmen salystyrǵanda is-sharalar men jobalardyń sany eki esege artqanyn atap ótti. Osylaısha bıýdjet únemdelip, esesine sharalar sany artty.
Aıta ketsek, Bakýde ótken Ǵylymı keńestiń sońǵy otyrysynan beri Akademııa 130-dan astam is-shara men jobalardy júzege asyrdy.
Ázerbaıjannyń Bilim mınıstri Emın Amrýllaev Halyqaralyq Túrik akademııasy múshe memleketter arasyndaǵy ǵylym men bilim salasyndaǵy yntymaqtastyqty damytýǵa, tyǵyz baılanystardy saqtaýǵa jáne halyqtar arasyndaǵy baýyrlastyqty nyǵaıtýǵa úles qosqanyn aıtty. Mınıstr «Ortaq túrik tarıhy» oqýlyǵy 2019-2020 oqý jylynan bastap Ázerbaıjannyń 151 jalpy bilim berý mekemesinde fakýltatıvtik pán retinde 8-synyptyń 14 myń oqýshysyna oqytylatynyn atap ótip, «Ortaq túrki ádebıeti» men «Ortaq túrik geografııasy» oqýlyqtary da jaqyn arada múshe elderdiń oqý baǵdarlamasyna engiziletinine senim bildirdi.
Qazaqstannyń Bilim jáne ǵylym mınıstri Ashat Aımaǵambetov Akademııanyń tabysty qyzmetin atap ótip, Nur-Sultan qalasynda uıymǵa jańa jeke ǵımarat berilgenin habarlady.
Otyrysta sóz sóılegen Qyrǵyzstannyń Bilim jáne ǵylym mınıstri B.Kýpeshev on jyldan astam ýaqyt boıy Akademııa óz mıssııasyn abyroımen atqaryp kele jatqanyn, oqytýshylar men ǵalymdarǵa túrki halyqtarynyń tarıhy, tili men mádenıeti salasyndaǵy máselerdi birlesip sheshý úshin ǵylymı baılanystardy damytýǵa múmkindik beretinin atap ótti. Mınıstr Akademııanyń túrki áleminiń túǵyrly tulǵalary mereıtoılary boıynsha uıymdastyrǵan is-sharalaryn joǵary baǵalady.
О́z kezeginde Majarstannyń Ystambuldaǵy Bas konsýly Laslo Keller túrki áleminiń ortaq qundylyqtardy, ásirese majar tarıhy men mádenıetin zerdeleý men nasıhattaýdaǵy qyzmetine rızashylyǵyn bildirdi.
Al Túrkııa Respýblıkasy Joǵary bilim keńesiniń tóraǵasy Erol Ozvar Akademııanyń túrki álemindegi ǵylym men bilim salasyndaǵy nátıjeli qyzmetine nazar aýdaryp, onyń kóp qyrly jumysyna qoldaý kórsetýdiń mańyzdylyǵyna toqtaldy.
О́zbekstan Bilim mınıstriniń orynbasary Temırjon Kamılov О́zbekstannyń Akademııa qyzmetin muqııat qadaǵalap otyrǵanyn atap ótip, ǵylym men bilim salasyndaǵy yntymaqtastyqqa qyzyǵýshylyǵyn bildirdi.
Otyrys barysynda Ǵylymı keńes músheleri birqatar máseleler boıynsha naqty sheshimder qabyldady. Atap aıtqanda, túrki áleminiń tuǵyrly tulǵalarynyń mereıtoılarynyń tizimi, bilim jáne ǵylym salasyndaǵy yntymaqtastyqty nyǵaıtý máseleleri, ǵylymı-zertteý jobalary talqylanyp, basymdyqtar bekitildi.
