Aımaqtar • 08 Qarasha, 2021

Almatyda jappaı revaksınasııa qashan bastalady

792 ret

kórsetildi

2 mın

oqý úshin

Almatyda koronavırýsqa qarsy revaksınasııa qarasha aıynyń sońynda bastalatynyn ortalyq qalalyq klınıkalyq aýrýhana dırektorynyń orynbasary Elvıra Ibragımova brıfıngte málimdedi, dep habarlaıdy Egemen.kz.

Gaýhar QAPASh

Almatyda jappaı revaksınasııa qashan bastalady

Onyń aıtýynsha, qazir qalada reseılik Sputnik V, qazaqstandyq QazVac jáne qytaılyq Vero Cell vaksınalarymen turǵyndardy qaıta vaksınasııalaý jospary tur.

«Bizde vaksına jetkilikti, revaksınasııa qarashanyń úshinshi onkúndiginde bastalady. Revaksınasııa degenimiz – adamdardyń ekpeniń birinshi jáne ekinshi bóliginen keıin alatyn dozasy. Iаǵnı, siz alǵashqy eki dozany alasyz, sodan keıin úshinshi - kúsheıtkish dozasy salynady. Buny revaksınasııa dep ataımyz», dedi Ibragımova.

Ol vaksınasııa nemese revaksınasııa aldynda antıdeneler tapsyratyn synaq joq ekenin aıtty.

«Eger siz bul synaqty óz betińizshe tapsyrǵyńyz kelse, ony óz qalaýyńyz boıynsha jasaı alasyz. Biraq bul medısına tarapynan nemese vaksınasııadan bas tartýǵa sebep emes. Sebebi, revaksınasııa úshin antıdenelerdiń deńgeıi mańyzdy emes», dedi Ibragımova.

Ol eger pasıent óz betinshe synaqtan ótip, antıdenelerdiń joǵary tıtri bolsa, keıin ol óz qalaýy boıynsha revaksınasııadan ótýi múmkin ekenin aıtty.

Sondaı-aq Elvıra Ibragımova azamattarǵa qabyldanǵan alǵashqy eki dozadan basqa preparatpen qaıta vaksınasııalaýdy usyndy.

«Búginde bizde vaksınanyń eki túri bar: vektorlyq jáne ınaktıvtendirilgen. Sputnik V - vektorlyq vaksına, al qalǵandarynyń barlyǵy ınaktıvasııalanǵan. Vektorlyq vaksına alǵan adamdarǵa toǵyz aıdan keıin belsendi emes vaksınany, ıaǵnı Vero Cell men QazVac alýdy usynamyz. Al kez kelgen ınaktıvasııalanǵan vaksınany alǵandarǵa biz alty aıdan keıin Sputnik V vektorlyq vaksınany alýdy usynamyz», dedi ol.