Abaı Nursultanov 2016 jyly Atyraý qalasyndaǵy №38 mektep-lıseıdiń 9-synybyn bitirip, 2017 jyly Cheh Respýblıkasyndaǵy kolledjge oqýǵa túsken. Qazir ol – chehııalyq kolledjdegi halyqaralyq qatynastar fakýltetiniń 4-kýrs stýdenti. Bıylǵy aqpannan beri dáristi qashyqtan alyp otyr. Ol jaqynda Prezıdentke hat jazǵan eken.
Memleket basshysynyń hatynda «Qurmetti Abaı! Táýelsizdik jyldarynda bizde belsendi ómirlik ustanymy men ózine senimi bar, aıqyn maqsatqa umtylǵan jastardyń, patrıottardyń tutas býyny qalyptasty. Dál sizdiń býyn – bizdiń qasıetti táýelsizdigimizdiń jarqyn sımvoly. Oqýyńdy aıaqtaǵannan keıin alǵan bilimińdi Otanymyzdyń ıgiligi úshin laıyqty paıdalanatynyńa senemin» delingen hatta.
Stýdenttiń aıtýynsha, Memleket basshysyna hat jazýyna eldiń ekonomıkalyq órkendeýi men jastarǵa kórsetilip otyrǵan qoldaý yqpal etken. Biraq hatyna jaýapty tez keledi dep oılamaǵan.
– Meniń jazǵan hatym Memleket basshysyna jetpeıtin shyǵar dep oılap edim. Alaıda jaýap hat kelgende, qatty tolqydym. Osynyń ózinen keıin ár adamnyń daýysy Prezıdentke jetetinine senimim arta tústi. Bul meni jigerlendirip, el ıgiligine qyzmet etýge umtyldyryp otyr, – deıdi Abaı Nursultanov.
Atyraý oblysy
