Aımaqtar • 11 Qarasha, 2021

Bir kúnde mıllıoner atanǵandar

295 ret kórsetildi

Sońǵy kezde «jasyl aımaqta» turaqtaǵan Atyraýda vaksına saldyrǵandar arasynda júlde qory 40 mln teńgelik utys ­oıyny bastalǵan edi. «Atyraý oblysynyń Azamattyq alıansy» ZTB «Vaksına al da, aqshalaı syılyqqa ıe bol!» aqshalaı utys aksııasynyń birneshe kezeńin ótkizdi.

Máselen, 30 maýsym men 30 qyr­kúıek aralyǵynda vaksı­nanyń birinshi nemese ekinshi kom­ponentin alǵandar arasynda ár 10 kún saıyn 200 myń teń­geniń 10 aqshalaı sertıfıkatyn oınatty. Al 30 maýsym – 31 shilde aralyǵynda vaksına saldyrǵandar úshin tamyz aıynda 3 mln teńgelik eki sertıfı­kat utysqa tústi. Qyrkúıekte ár­qaısysy 3 mln teńgeni qura­ǵan eki sertıfıkat oınatyldy. Seısenbide aksııanyń qory­tyn­dy kezeńinde vaksına alǵan 10 adamǵa jalpy somasy 10 mln teńgeniń aqshalaı sertıfıkaty tabys etildi.

1 mln teńgeniń sertıfıka­tyn ıelengenniń biri – Ashyq Maq­bule. Kúıeýi ekeýi kóktemde Spýt­nık V vaksınasyn saldyrǵan eken. Biraq aqshalaı utys oıynyna qatysatynyn bilmegen.

– Aqsııanyń qorytyndy keze­ńinde 1 mln teńge utqanymyzdy estigende, árıne sene almadyq. Otbasymyzda birge turatyn 72 jastaǵy ákemiz de ekpe aldy. Endi balalarǵa koronavırýs ınfeksııasyna qarsy vaksına salý bastalsa, olardy da ekpe alý arqyly qorǵaýdy josparlap otyrmyz, – deıdi Ashyq Maqbule.

Vaksına saldyryp, jeńim­paz atanǵandardyń qataryn­da kópbalaly ana Altyn Bozjano­va da bar. Biraz jyldan beri ob­lys­tyq júıke-psıhıatrııalyq dıs­panserdiń ashanasynda ju­mys isteıdi. Sol sebepten, oǵan adam­darmen jıi baılanys ja­saýǵa týra keledi.

– Árkim aldymen óziniń den­saý­lyǵyn oılaıdy ǵoı. Onyń ústine qaýipti vırýstyń órshýi áli baıqalady. Osyndaı kezde jaqyndaryńa da janashyr bolý kerek. Dál qazir qalypty ómirge oralýdyń jalǵyz joly – vaksına alý. Sondyqtan ózimdi, otbasym men jaqyndarymdy qor­ǵaý úshin vaksına saldyrdym. Alaıda utys oıynyna qatysyp, qomaqty qarjy utýdy kózde­gen joq edim. «Mıllıon teńge ut­tyńyz» degen habardy ázil re­tinde qabyldadym. Shynymdy aıt­sam, men úshin bul qarjy úl­ken tosynsyı boldy. Endi bala­larymnyń bolashaǵy úshin depozıt ashyp, utqan aqshany soǵan salamyn, – deıdi Altyn Bozjanova.

Oblystyq densaýlyq saqtaý bas­qarmasynyń baspasóz qyz­me­ti taratqan aqparatqa súıen­sek, bıylǵy 1 aqpannan 3 qara­sha­ǵa deıin vaksınalardyń birin­shi komponentin ektirgen aty­raý­lyqtardyń sany 240 968 adam­ǵa jetip otyr. Onyń ishinde 14 myńnan astam pedagog, 6 033 stýdent bar. Sondaı-aq vak­sı­na­lardyń ekinshi komponentin
217 284 adam saldyrypty.

 

Atyraý oblysy

 

Sońǵy jańalyqtar

Energetıka – ekonomıka draıveri

Ekonomıka • Búgin, 21:25

Birjaqty baılam hám batyl baǵdar

Pikir • Búgin, 20:55

Torǵaı tarıhyn tolǵaǵan

Tarıh • Búgin, 20:50

Jyl sózi

Álem • Búgin, 20:36

Quldyramaıtyn qundylyq

Tanym • Búgin, 20:20

Birde-bir shaǵym eskerýsiz qalmaıdy

Qazaqstan • Búgin, 19:55

Býrkına-Faso astanasynda oq atyldy

Álem • Búgin, 19:17

Almatynyń ońtústiginde jer silkindi

Aımaqtar • Búgin, 17:38

Almatyda qurylys krany qulady

Oqıǵa • Búgin, 14:21

Aýǵanstanda jarylys boldy

Álem • Búgin, 12:21

Álemdegi eń úlken muzdyq erip ketti

Ekologııa • Búgin, 11:05

Uqsas jańalyqtar