Jyl saıynǵy mınıstrlik kezdesýlerde Túrki keńesi memleketteri basshylarynyń kezdesýleri men sheshimderin daıyndaýdyń mazmundy jáne uıymdastyrýshylyq máseleleri talqylanady. Osy kezdesý barysynda mınıstrler Memleket basshylary keńesiniń aldaǵy otyrysynda qol qoıý jáne bekitýi josparlanǵan kún tártibi men qorytyndy qujattardyń jobalaryn kelisti.
Kezdesý qorytyndysy boıynsha SIM basshylary birqatar qujattardy, sonyń ishinde Túrki keńesi hatshylyǵynyń qyzmeti men qarjylyq máseleleri, TMYK Aqsaqaldar keńesiniń erejesi, Túrki áleminiń qalalaryna belgili bir mártebe berý jáne t.b. qujattardy qabyldady jáne olarǵa qol qoıdy. 
Qazaqstan tarapy Túrki áleminiń rýhanı astanasy Túrkistan qalasynda qurylyp jatqan «TURANSEZ» arnaıy ekonomıkalyq aımaǵyn tanystyrdy. Bul aımaq QR Prezıdenti Qasym-Jomart Toqaevtyń bıylǵy kóktemde TMYK beıresmı Túrkistan sammıti barysynda bastamashylyq etken bolatyn.
Túrkitildes memleketterdiń yntymaqtastyq keńesi Qazaqstan Respýblıkasynyń Tuńǵysh Prezıdenti - Elbasy Nursultan Nazarbaevtyń bastamasymen 2009 jyly Nahychevan qalasynda (Ázerbaıjan) quryldy. Túrki keńesiniń hatshylyǵy Ystanbul qalasynda (Túrkııa) ornalasqan. 7-shi sammıttiń qorytyndysy boıynsha О́zbekstan qosylǵannan keıin Keńes músheleriniń sany beske jetti (Ázerbaıjan, Qazaqstan, Qyrǵyzstan, Túrkııa jáne О́zbekstan). Túrikmenstan TMYK baqylaýshy memleket retinde alǵash ret qatysyp otyr.
