Bıylǵy jyldyń 9 qarashasynda saǵat 21.30 shamasynda «102» arnasyna Dostyq kóshesi boıyndaǵy «Kerýen» saýda oıyn-saýyq ortalyǵynda belgisiz bireýler tóbelesip jatqany týraly habarlama kelip túsken.
Polısııa 17 jastaǵy eki qyzǵa jigitterdiń kelip, tanysqysy kelgenin, oǵan kámeletke tolmaǵandardyń biri jaqyn jerde 19 jastaǵy aǵasyn shaqyrǵanyn anyqtady. Kelgen boıda jastar arasynda janjal týyp, arty tóbeleske ulasqan. Krımınaldyq polısııa qyzmetkerleri júrgizgen jedel-izdestirý is-sharalarynyń barysynda kúdikti ustaldy. Ol 31 jastaǵy elorda turǵyny bolyp shyqty. Oqıǵaǵa baılanysty «Buzaqylyq» baby boıynsha sotqa deıingi tergeý amaldary júrgizilýde.
Polısııa departamenti elorda turǵyndary men qonaqtarynyń qaýipsizdigi úshin barlyq qajetti sharalardy atqarady. Saýda ortalyǵynyń janynan polısııany jedel shaqyrý termınaly ornatylyp, táýlik boıy patrýl júrgizilýde. Sondaı-aq, zańsyz áreketter bolǵan jaǵdaıda dereý polısııaǵa nemese 102 nómirine habarlasý kerektigin eske salady.
