Aımaqtar • 17 Qarasha, 2021

Shymkenttiń bas dárigeri qyzyna vaksına saldyrdy

58 ret kórsetildi

Búgin Shymkent qalasy densaýlyq saqtaý basqarmasynyń basshysy Baqytjan Pozılovtyń qyzy kovıdke qarsy vaksına saldyrdy, dep habarlaıdy Egemen.kz. Shymkent qalasy ákimdiginiń baspasóz qyzmetine silteme jasap.

Qyzymen emhanaǵa kelgen qalanyń bas dárigeri jazbasha saýalnamaǵa jaýap toltyrdy.

15 jastaǵy Mereıge emhana mamandary Pfizer vaksınasyn saldy. 10-synyp oqýshysy ata-anasymen keńese kele ekpe saldyrýǵa sheshim qabyldaǵanyn aıtady.

«Ata-anammen kelisip, vaksına saldyrdym. Osy ekpe arqyly ózimdi qaýipti vırýstan qorǵaǵym keledi», deıdi Mereı.

«Balańyzǵa vaksına saldyrasyz ba?» dep kópshilik surap jatyr. Men bul saýalǵa «ıá» dep jaýap bergen edim. Qyzymmen sóılese kele vaksına saldyramyz dep sheshtik. Basqa ata-analar da balalarynyń qaýipsizdigin oılasa», deıdi B.Pozılov.

Aıta keteıik, 15 qarashadan bastap Shymkentte Pfizer preparatymen egý jumystary júrgizilýde. Ekpe alǵan azamattarda búginge deıin teris áser baıqalmaǵan. Olar birneshe kún boıy medısına qyzmetkerleriniń baqylaýynda bolady.

Sońǵy jańalyqtar

Elorda «jasyl» aımaqqa ótti

Koronavırýs • Keshe

Uqsas jańalyqtar