О́ńirdiń 34 mektebinde 43 synyp qashyqtan oqytý formatyna aýystyryldy. Al ótken táýlikte taǵy tórt jasóspirimde ınfeksııa anyqtaldy.
Sanıtarlyq-epıdemıologııalyq baqylaý departamentiniń aqparaty boıynsha, ótken jylmen salystyrǵanda 14 jasqa deıingi balalar arasynda aýrý 18 esege, 15-ten 17 jasqa deıin 25 esege ósti.
«Búgingi tańda aýrýdyń ósýin tek vaksınasııa azaıta alady, bul tıimdiligin birneshe ret dáleldedi. Jaqynda Aqmola oblysyna Pfizer/BioNTech vaksınasy ákelinedi. Aýdandarǵa vaksınalardy medısınalyq uıymdar boıynsha saqtaý, tasymaldaý boıynsha nusqaýlyqtar, sondaı-aq azamattardy vaksınasııalaý tártibi berildi», dep habarlady vedomstvodan.
Dúnıejúzilik densaýlyq saqtaý uıymy maquldaǵan preparatty vaksınasııalaýmen barlyǵy 66 myńnan astam adam qamtylatyn bolady, onyń ishinde balalar men jasóspirimder – 47 myń, júkti áıelder – 8,3 myń, laktasııa kezeńinde áıelder – 10,8 myń.
Oblystyń bas pedagogy Beıbit Júsipov atap ótkendeı, balalardy vaksınasııalaý ata-analardyń kelisimimen ǵana júrgiziledi.
«Vaksınasııa ata-analardyń nemese olardyń zańdy ókilderiniń erikti aqparattyq jazbasha kelisiminen keıin oblystyń bilim berý uıymdarynda jáne egý pýnktteri jelisinde júrgiziletin bolady, dedi ol.
Aıta ketsek, óńirge ýltra tómen temperatýralyq rejımdi qoldaıtyn 2 muzdatqysh kamerasy kelip tústi. Vaksınalardy tasymaldaýǵa 2 avtorefrıjerator tartylǵan. Jaqynda vaksınanyń 35 100 dozasy jetkiziledi dep kútilýde.
