«Kómir baǵasyn ósirmeý úshin biraz is-shara qabyldadyq. Eń aldymen kómir óndiretin Qarajyra, Bogatyr, Shubarkól sııaqty iri kompanııalarmen memorandýmǵa qol qoıylyp, turaqty baǵaǵa kelistik. Baǵalary 5 200-den bastalady. Eń qymbaty - Shubarkól kómiriniń tonnasy 5 700 teńge», dedi mınıstr Senat depýtattarynyń saýalyna jaýap bere otyryp.
Onyń aıtýynsha, bıylǵy jylytý maýsymynda óńirlerden 9,3 mln tonna kómirge suranys bolǵan. Qazirgi ýaqytta bul kólemniń 8,8 mln tonnasy óńirlerge jónetildi.
«Qazir kómir tıelgen vagondar ýaqytyly berilip jatyr. Kómir kenishterindegi baǵa turaqty. Kómir óńirlerge jetkizilgende olardyń ózderiniń bólý ortalyqtary bar. Qazirgi ýaqytta Shubarkól kómirine suranys kóp bolǵandyqtan qarasha aıynda 484 myń tonna kómirge qosymsha tapsyrys berdik. Kómir ýaqyty tıelip jóneltilip jatyr. О́ńirlerden taǵy suranys bolsa, onda kómir kólemin arttyrýǵa daıynbyz», dedi Beıbit Atamqulov.
