Dúnıejúzilik reıtıngte 259-orynda turǵan T.Skatov júlde qory 50 myń AQSh dollarynan asatyn jarystyń bastapqy básekesinde argentınalyq Renso Olıvamen kezdesti. Álemniń 186-raketkasy sanalatyn ońtústikamerıkalyq tennısshi jerlesimizge aıtarlyqtaı qarsylyq kórsetkenimen, Skatov eki setke sozylǵan básekede 6:3, 7:6 (7:3) esebimen basym tústi. Kezdesý eki saǵattan asa ýaqytqa jalǵasty.
Qazaqstandyq tennısshi ekinshi aınalymda dúnıejúzilik reıtıngte 263-satyda ornalasqan taǵy bir argentınalyq Andrea Kollarınımen oınady. Bul match ta tartysty ótip, eki saǵatqa sozyldy. T.Skatov qarsylasyn 7:6 (7:2), 6:2 esebimen tize búktirdi. Ol báseke barysynda 3 eıs jasap, 10 breık-poınttyń tórteýin paıdalana bildi. A.Kollarını 2 eıs, 2 breıkten asa almady.
T.Skatov jartylaı fınalǵa shyǵý úshin álemniń 94-raketkasy, brazılııalyq Tıago Monteıromen kezdesedi.
