Álem • 20 Qarasha, 2021

Kanadada COVID-19-ǵa qarsy vaksınany 5 jastan bastap salýǵa ruqsat berildi

334 ret

kórsetildi

1 mın

oqý úshin

Kanada 5-11 jastaǵy balalarǵa koronavırýsqa qarsy Pfizer-Biotech vaksınasyn salýǵa ruqsat berdi. Bul týraly Kanadanyń Densaýlyq saqtaý departamenti málimdedi, dep habarlaıdy Egemen.kz.

Gaýhar QAPASh

Kanadada COVID-19-ǵa qarsy vaksınany 5 jastan bastap salýǵa ruqsat berildi

Vedomstvo 5 jastan 11 jasqa deıingi balalarǵa Pfizer-Biotech shyǵarǵan COVID-19-ǵa qarsy Comirnaty vaksınasyn qoldanýǵa ruqsat berdi. Kompanııa ókilderi departamentke ótinimin 18 qazanda jibergenin aıta ketken jón.

«Qolda bar dálelderge búge-shúgesine deıin táýelsiz ǵylymı taldaý júrgizilgennen keıin departament bul vaksınanyń 5-11 jastaǵy balalarǵa paıdasy qaýipten asyp túsedi degen qorytyndyǵa keldi», delingen habarlamada.

Bul rette, balalar dozasy eresekterden úsh ese az bolady (30 ornyna 10 mıkrogramm). Pedıatrııalyq vaksınany eki ret egý kerek. Buǵan deıin Kanadada vaksına 12 jastan asqan balalarǵa ǵana qoldanylyp keldi.

«Klınıkalyq zertteýler 5-11 jastaǵy balalardaǵy ımmýndyq reaksııa 16-25 jastaǵylardyń ımmýndyq reaksııasymen birdeı ekenin kórsetti. Vaksına 5-11 jastaǵy balalarǵa 90,7 paıyz tıimdi jáne onyń eshqandaı aýyr janama áseri joq», dedi vedomstvo ókilderi.

Aıta keteıik, qazirgi ýaqytta 12 jastan asqan kanadalyqtardyń 85 paıyzdan kóbi COVID-19-ǵa qarsy vaksınanyń eki dozasyn alǵan. Sońǵy aptalarda ınfeksııanyń jańa jaǵdaılary kóbine ekpe almaǵan 12 jasqa deıingi balalarda tirkelip jatqany habarlandy.