– Atyraý oblysyna 9 qarashada Pfizer vaksınasyn saqtaıtyn eki muzdatqysh ákelindi. Al ótken jumada atalǵan vaksıanyń eki komponenti úshin 32 760 doza jetkizildi. Vaksına aldyn ala berilgen tizimge sáıkes erikti túrde salynady. Bul vaksınany alý úshin turǵylyqty meken-jaıyna baılanysty tirkelgen emhanaǵa júginý qajet. Al oqýshylar úshin mektepte vaksına alý beketin uıymdastyrdyq, – deıdi basqarma basshysy Ashan Baıdýálıev.
Onyń aıtýyna qaraǵanda, jyl basynan beri 2 803 balanyń Covid-19 ınfeksııasymen aýyrǵany rastalyp otyr. Onyń ishinde 143 bala ınfeksııalyq stasıonarlarda emdelgen. О́tken aptada koronavırýs ınfeksııasyn juqtyrǵan 37 bala oqshaýlanǵan. Al ambýlatorııalyq emdelýge 33 bala jiberilip, tórteýi ınfeksııalyq stasıonarlarda hattamaǵa sáıkes em qabyldaǵan. Sol sebepten, buǵan deıin mektep dırektorlarymen, ata-analar qaýymdastyǵymen birneshe kezdesý ótkizilip, aqparattyq túsindirý jumysy júrgizilipti. О́ıtken áli de koronavırýs ınfeksııasynyń taralýy toqtaǵan joq. Qaýipti vırýsty juqtyrýshylar arasynda kóz jumý deregi de kezdesip otyr. Bıyl ana ólimi tirkeldi. Sondyqtan qaýipti vırýstyń taralýyn toqtatýdyń, odan qorǵanýdyń birden bir joly – vaksına saldyrý.
20 qarashada Rfizer vaksınasyn alǵashqylardyń qatarynda Atyraý qalasynda ornalasqan F.Dosymova atyndaǵy №12 orta mekteptiń 10 jáne 11-synyptarynda oqıtyn 11 oqýshy saldyrdy. Ásirese, qyzdardyń belsendiligi joǵary ekeni baıqaldy. Vaksına alǵan oqýshylarmen oblys ákiminiń orynbasary Baqytgúl Hamenova kezdesti.
– Qazir elimizdiń barlyq óńirinde balalarǵa, júkti áıelder men bala emizetin analarǵa Pfizer vaksınasy salynyp jatyr. Atyraý oblysynda vaksınanyń qajetti dozasy jetkizilgen soń, mektep oqýshylary, júkti jáne bala emizetin áıelder egile bastaldy. Elimizde de, óńirde de vaksınany alýdyń nátıjesinde ujymdyq ımmýnıtet qalyptasyp, ınfeksııa juqtyrǵan naýqastardyń sany azaıyp keledi, – dedi B.Hamenova.
Dárigerler vaksınany ekpes buryn oqýshylardyń dene qyzýyn, qan qysymyn ólshedi. Aýyz qýysyn, naqty aıtqanda, tamaǵyn tekserdi. Dári-dármekten allergııasy bar-joǵyn anyqtady. Balalarynyń vaksına alýyna kelisim bergen ata-analar arnaıy qujatqa qol qoıdy. Bul kúni osy mekteptiń 9-synybynda oqıtyn Dashaǵa qoldaý bildirý úshin ájesi Olga Petrova birge kelipti. О́zi oqýshylarǵa bıologııa páninen dáris beredi. Onyń aıtýynsha, balalardyń qaýipti vırýsqa shaldyqpaýyna aldymen ata-anasy jaýapty bolýy kerek.
– Bıylǵy 1 aqpanda turǵyndardy jappaı vaksınalaý bastalǵanda, ózim alǵashqylardyń qatarynda ekpe alǵan edim. Endi mine, nemeremdi vaksına saldyrýǵa arnaıy ertip keldim. О́ıtkeni nemeremniń aýyrmaı, aman-saý júrgenin qalaımyn. Bizdiń ómirimizdiń jalǵasy – balalar. Jalpy, bıologııa pániniń muǵalimi retinde koronavırýs ınfeksııasynyń taralýyn vaksına saldyrý arqyly ǵana tejeýge bolatynyn jaqsy bilemin. О́zimniń dárisimde oqýshylarǵa ınfeksııalyq aýrýlardan qorǵaný qajettigi týraly jıi áńgimeleımin. Adamzat tarıhyna zer salsaq, jer sharynda mıllıondaǵan jandardyń polıomıelıt, vırýsty gepatıt sekildi ınfeksııalyq indetterdiń qurbany bolǵanyn bilemiz. Mundaı qaýipti vırýsty vaksınamen ǵana jeńýge bolady. Sondyqtan ata-analar balalaryna janashyr bolý úshin vaksına saldyrýdyń mańyzyn túsindirse eken, – degen oıymen bólisti Olga Petrova.
Atyraý qalalyq ákimdigine qarasty Geolog eldi mekenindegi emhanaǵa Pfizer vaksınasyn saldyrý úshin 12 adam keldi. Onyń altaýy – oqýshy, ózgeleri – bala emizetin áıelder. Solardyń qatarynda kópbalaly ana Nurly Náberenova da bar.
– О́zim osy eldi mekende turamyn. Tórt balam bar. Eń kishisi – alty aılyq. Álemde de, elimizde de koronavırýs ınfeksııasyn juqtyrýshylar sanynyń azaımaı otyrǵanyna, balalarymnyń ómirine alańdap júrýshi edim. Bala emizetin analarǵa Pfizer vaksınasyn saldyrýǵa bolatynyn bilgende, alǵashqylardyń qatarynda alýǵa sheshim qabyldadym. О́ıtkeni ekpe alý arqyly qaýipti vırýstan ózimdi de, balalarym men aǵaıyn-týysymdy qorǵaýǵa bolatynyna senemin, – deıdi Nurly Náberenova.
Atyraý oblysy
