«Ivan Fedorovıch el men óńirdiń damýyna úlken úles qosty. Qarapaıym kombaınshydan májilis depýtatyna deıin kóterilgen ol 31 zańdy ázirleýge qatysyp, 130-dan astam usynys engizdi. Ivan Fedorovıchti tanıtyndar onyń bilimdi, zııaly, tárbıeli adam, tamasha áke jáne jar bolǵanyn aıtady», dep atap ótti Petropavl ákimdiginiń baspasóz qyzmeti.
Ivan Fedorovıch Chırkalın 1947 jyly 10 shildede Soltústik Qazaqstan oblysy Mamlıýt aýdany Mıhaılovka aýylynda dúnıege keldi.
1965 jyly Petropavl aýyl sharýashylyǵyn mehanıkalandyrý jáne elektrlendirý tehnıkýmyn, 1979 jyly S.M.Kırov atyndaǵy Ýral polıtehnıka ınstıtýtyn «ınjener-ekonomıst» mamandyǵy boıynsha támamdady.
Eńbek jolyn 1965 jyly SQO Mamlıýt aýdany Dýbrovınskıı keńsharynda bastady.
1996-1999 jyldar aralyǵynda Soltústik Qazaqstan ákimi orynbasary qyzmetin atqardy. 2012 jyldan SQO ákiminiń keńesshisi bolyp istedi.
Buǵan qosa, Ivan Fedorovıch 1999-2011 jyldary parlament májilisiniń II, III, IV shaqyrylymynyń depýtaty boldy. Májilistiń ekonomıkalyq reforma jáne óńirlik damytý komıtetin basqardy, májilistiń agrarlyq máseleler jónindegi komıtetiniń hatshysy boldy.
Chırkalın – ekonomıka ǵylymdarynyń kandıdaty. Birinshi dárejeli «Atameken», 3 dárejeli «Barys», «Parasat» ordenderimen marapattalǵan. 2007 jyly Soltústik Qazaqstan oblysynyń qurmetti azamaty atanyp, Qazaqstan Prezıdentiniń alǵys hatyn aldy, «Altyn Barys» tósbelgisi tabystaldy.
