Túrkistan qalasynda ótip jatqan quryltaıda qoǵamnyń vıse-prezıdentteri bolyp Maksım Rojın men Anar Fazyljanova tanystyryldy.
Jıyn barysynda qazaq tiliniń qoǵamdaǵy mańyzyn arttyrý máseleleri talqylanyp, tilge qatysty zańǵa ózgerister engizý usynyldy.
Aıta ketsek, búgin Túrkistan qalasynda Halyqaralyq «Qazaq tili» qoǵamynyń quryltaıy ótýde. Aýqymdy sharaǵa Memlekettik hatshy Qyrymbek Kósherbaev, Premer-Mınıstrdiń orynbasary Eraly Toǵjanov, sondaı-aq Bilim jáne ǵylym mınıstri Ashat Aımaǵambetov pen Parlament depýtattary qatysýda. Elimizdiń barlyq óńirinen kelgen qoǵam qaıratkerleri men zııaly qaýym ókilderiniń, oblystar men qala basshylary bastaǵan til janashyrlary ózekti máseleni ózara talqyǵa salýda.
