Múlik ıeleriniń ótinishteri men shaǵymdaryn taldaý qazirgi ýaqytta elordada azamattardyń áleýmettik osal sanatyndaǵy adamdar turatyn 1020-ǵa jýyq turǵyn úı nemese 7-10 jyl buryn qabyldanǵan qyzmet kórsetý tarıfi sharshy metri 50 teńgeden tómen úıler bar ekenin anyqtady. Kóbinese mundaı úıler shatyrdy, qasbetti, jylý qondyrǵylaryn, ınjenerlik júıelerdi, terezelerdi jóndeýge ınvestısııalardy qajet etedi.
«Elorda Korshiler» baǵdarlamasy boıynsha ótinimderdi qabyldaýdy obektide basqarýdyń jańa nysany tirkelgen jaǵdaıda, menshik ıelerinen ǵana, sondaı-aq mynadaı tórt kórsetkish boıynsha júrgizý usynylady:
- Shatyrdy qalpyna keltirý;
- Qasbetterdi qalpyna keltirý;
- Injenerlik júıelerdi qalpyna keltirý;
- Energııa tıimdiligin arttyrý, abattandyrý.
Baǵdarlama qalalyq ákimdikke múlik ıeleriniń ózderinen turǵyn úı qorynyń naqty jáne ózekti qajettilikterin bilýge múmkindik beredi. Budan basqa, jalpy úı múlkiniń jaı-kúıi máselelerine azamattar tarapynan jaýapkershilik pen múddelilik artady. Biryńǵaı tizilim turǵyn úıdi paıdalanýǵa berý jylyna qaramastan, múliktiń barlyq menshik ıeleriniń ótinishteri negizinde qalyptastyrylady.
«Elorda Korshiler» baǵdarlamasy birneshe kezeńmen júzege asyrylady. Olardyń birinshisi - jóndeýdi qajet etetin úıdiń bólikteri kórsetilgen turǵyn úı ıelerinen ótinimderdi qabyldaý jáne jınaý. Tizilim qalyptastyrylǵannan keıin baǵdarlamany iske asyrý sheńberinde jumys toby bekitiledi, ol ólshemsharttardy, jumystardyń boljamdy qunyn jáne materıaldarǵa arnalǵan shyǵyndardy aıqyndaıdy.
