Úkimet • 30 Qarasha, 2021

О́ńdeý ónerkásibin damytý: Asqar Mamın birqatar tapsyrma berdi

41 ret kórsetildi

Premer-Mınıstr Asqar Mamın Úkimetke 2025 jylǵa deıingi ındýstrııalyq-ınnovasııalyq damý tujyrymdamasynyń ózektendirilgen jobasyn engizýdi tapsyrdy, dep habarlaıdy Egemen.kz.

«2021 jyldyń 10 aıynda óńdeý ónerkásibi ótken jylǵa qaraǵanda 5,3% ósimdi qamtamasyz etti. Jáırem jáne Aqtoǵaı KBK qýattaryn keńeıtý, altyn shyǵarý fabrıkasy men ferroqorytpa zaýytyn, mashına jasaý óndiristerin salý jónindegi iri jobalardy iske asyrý esebinen negizgi kapıtalǵa salynǵan ınvestısııalardyń 1,8 ese aıtarlyqtaı ósýi baıqaldy, olar 1,2 trln teńgeni qurady. Eń joǵary ósim farmasevtıkada - 33,6%-ǵa, mashına jasaýda - 19,5%-ǵa, qurylys materıaldary óndirisinde - 9,3%-ǵa, hımııa ónerkásibinde - 6,5%-ǵa, Tamaq ónimderi óndirisinde - 3,6%-ǵa baıqaldy», dedi Asqar Mamın Úkimet otyrysynda.

Bıyl munaı-gaz hımııasy salasynda tehnıkalyq gazdar men oktan kóteretin qosyndylar óndirý jónindegi zaýyttar, sondaı-aq polıpropılen óndirý jónindegi zaýyt aıaqtalý satysynda tur. Budan basqa, aǵymdaǵy jyly munaı-gaz mashınasyn jasaýdy damytýdyń halyqaralyq ortalyǵy quryldy, ol taýarlar óndirisin oqshaýlandyrýdy jáne otandyq óndirýshilerdiń múmkindikterin keńeıtýdi qamtamasyz etedi.

«Bıyl Indýstrııalandyrý kartasy aıasynda tamaq ónerkásibinde, qurylys ındýstrııasynda, mashına jasaýda, metallýrgııada jáne basqa da salalarda 12,7 myń turaqty jumys ornyn qura otyryp, jalpy somasy 1,3 trln teńgege 139 ındýstrııalyq jobany iske qosý josparlanǵan. Onyń ishinde 1 trln teńgege jýyq somaǵa 83 joba iske qosyldy. Qalǵandary jeltoqsan aıynda iske qosylady. Tolyq qýatqa shyqqan kezde osy jobalardyń óndiris kólemi 1,1 trln teńgeni quraıdy, al óndirilgen ónimniń úshten biri eksportqa ketedi. Osy jumysty belsendi jalǵastyrǵan jón», dep atap ótti Úkimet basshysy.

Sondaı-aq, Asqar Mamın birqatar tapsyrmalar berdi.

«Qazaqstandyqtardyń ál-aýqatyn arttyrýǵa baǵyttalǵan ornyqty ekonomıkalyq ósý» ulttyq jobasy aıasynda óńdeýshi sektorǵa erekshe ról beriledi. Indýstrııa mınıstrligine 10 jeltoqsanǵa deıin Úkimetke ındýstrııalyq-ınnovasııalyq damýdyń 2025 jylǵa deıingi tujyrymdamasynyń ózektendirilgen jobasyn engizýdi tapsyramyn. Memleket basshysynyń tapsyrmasyna sáıkes Úkimet áleýetti ósý núkteleri anyqtalatyn jáne olardy damytýdyń keshendi josparlary ázirlenetin perspektıvaly monoqalalardyń tizbesin qalyptastyrýy qajet»,  dedi Asqar Mamın.

Premer-Mınıstr ındýstrııa, ekonomıka mınıstrlikterine jáne ákimdikterge 2022 jylǵy 1 naýryzǵa deıin óńirlerdiń ereksheligin eskere otyryp, monoqalalarda iske asyrý úshin «zákirlik» ındýstrııalyq jobalar pýlyn pysyqtaýdy tapsyrdy.

«Salalardy damytýdyń mańyzdy mindeti olardy óndiristik prosesterge jańa tehnologııalardy engizý boıynsha ósip kele jatqan trendke beıimdeý bolyp tabylady. Sondyqtan óńdeýshi sektordaǵy sıfrlyq sheshimderdi qoldaý quraldarynyń tizbesin keńeıtý qajet. Indýstrııa mınıstrligi 2022 jylǵy 1 naýryzǵa deıin kásiporyndarda sıfrlyq sheshimderdi engizýdi yntalandyrý jónindegi qajetti normatıvtik-quqyqtyq bazany qabyldaýdy qamtamasyz etsin. Jalpy, Memleket basshysynyń óńdeý ónerkásibiniń ósimin qamtamasyz etý jónindegi tapsyrmalary sapaly jáne belgilengen merzimde oryndalýy tıis», dep tapsyrdy Premer-Mınıstr.

Sońǵy jańalyqtar

Amanatqa adaldyq

Ádebıet • Keshe

Jantórın jańalyǵy

Kıno • Keshe

Azattyq úshin arpalysqan

Tarıh • Keshe

Dıllıan Ýaıt qaharyna mindi

Kásipqoı boks • Keshe

Uqsas jańalyqtar