Qazaqstan • 30 Qarasha, 2021

Qazaqstan kúrdeli tyńaıtqyshtar óndirisinen álemdegi alǵashqy el bolmaq

55 ret kórsetildi

2025 jylǵa qaraı Qazaqstanda shıkizattyq emes eksportty 1,5 esege arttyrý josparlanýda. Bul týraly Indýstrııa jáne ınfraqurylymdyq damý mınıstri Beıbit Atamqulov málimdedi, dep habarlaıdy Egemen.kz.

«2025 jylǵa qaraı shıkizattyq emes eksportty 1,5 esege arttyrý mindeti qoıyldy. Osy kórsetkishke qol jetkizý úshin biz álemniń 60-tan astam eline eksportqa baǵyttalǵan 180 jobany iske qosýdy josparlap otyrmyz. Osylaısha, Qazaqstan ferroqorytpalardyń ekinshi eksporttaýshysy bolady. Biz tuz-qyshqyl ydyraý qoldanylatyn kúrdeli tyńaıtqyshtar óndirisi boıynsha álemdegi alǵashqy el bolamyz. Qazaqstan «KamAZ» jáne HYUNDAI jahandyq ótkizý tizbeginiń bir bóligine aınalady. Sondaı-aq, qazaqstandyq óndiristiń árbir úshinshi avtomobıli eksportqa baǵdarlanatyn bolady. Bul rette, otandyq komponentterdi óndirý esebinen jergilikti qamtý úlesiniń ósýi 50%-ǵa jeted», dedi Úkimet otyrysy barysynda Beıbit Atamqulov.

Sondaı-aq, mınıstrdiń málimetinshe, jańa óndiristerde 164 orta jáne 121 joǵarǵy qaıta bólý ónimderin shyǵarý josparlanýda.

«2025 jylǵa deıin joǵarǵy qaıta bólý ónimin óndirý kólemi 2,7 trln teńgeni quraıdy, bul qoldanystaǵy óndiriske eki ese ósýge múmkindik beredi. Orta tehnologııalyq ónim shyǵarý kólemi 2,1 trln teńgeni, eksport - 2 mlrd dollardy quraıdy. Bul óndiristi 12,5%-ǵa arttyrýǵa múmkindik beredi. Bul Qazaqstanda ımmýndyq preparattar men dárilik zattar, sanfaıans, avtoquramdaýyshtar, Turmystyq tehnıka, temir jol mashına jasaý ónimderi, lak-boıaý buıymdary, qurylys materıaldary men mıneraldy tyńaıtqyshtar óndirisin jolǵa qoıýǵa múmkindik beredi», dedi mınıstr.

Sońǵy jańalyqtar

TúrkPA-nyń ataýy ózgeredi

Parlament • Keshe

Almaty joldaryn sý basty

Aımaqtar • Keshe

Uqsas jańalyqtar