Sport • 01 Jeltoqsan, 2021

Tbılısıde top jardy

65 ret kórsetildi

Grýzııanyń bas shahary – Tbılısıde ótip jatqan para paýerlıftıngten álem chempıonatynda qazaqstandyq Davıd Degtıarev úzdik shyqty.

Tokıodaǵy Paralımpııa oıyndarynda atoı salǵan otandasymyz araǵa eki aı salyp jahandyq dodada da qarsylas shaq keltirgen joq. Erler arasynda 54 kıloǵa deıingi salmaq dárejesinde synǵa túsken D.Degtıarev úsh múmkindiginde 178 kılo zil­temirdi eńserip, álem chempıony atandy. Ol birinshi umtylysynda – 175, ekinshisinde 178 kılony kóterdi. Al úshinshi talpynysynda 186 kılony baǵyndyrǵanymen, tóreshiler eseptemeı qoıdy. Bul salmaqtaǵy kúmis júlde Qytaı sportshysy Iаn Djılange buıyrsa, Mysyr ókili Abdelmajıd Taha úzdik úshtikti túıindedi.

Aıta keteıik, bul – Davıd Degtıarev qatysqan úshinshi álem chempıonaty. Buǵan deıin ol 2017 jyly Meksıkada ótken birinshilikte jetinshi orynǵa taban tirese, 2019 jyly elordada uıymdastyrylǵan jarysta besinshi satydan kóringen edi. Bıylǵy dúnıejúzilik dodaǵa álemniń 68 memleketinen 400-den astam sportshy qatysyp jatyr. Al jahan birinshiligine Qazaqstan quramasynan 26 paralımpıadashy attandy. Onyń altaýy jastar arasyndaǵy álem chempıonatynda baq synaıdy.

Sońǵy jańalyqtar

«Kanelony» jeńýdiń jalǵyz joly aıtyldy

Kásipqoı boks • Búgin, 18:00

Qazaqstandyq olımpıadashylar Beıjińge jetti

Fotogalereıa • Búgin, 17:20

Ýtıl alymy ýaqytsha toqtatyldy

Ekonomıka • Búgin, 12:51

Elordada avtokólik aýdarylyp qaldy

Elorda • Búgin, 12:18

Uqsas jańalyqtar