Oqıǵa • 02 Jeltoqsan, 2021

Kókshetaýda qurylysshy 5-qabattan qulap ketti

70 ret kórsetildi

Aqmola oblysynda eńbekti qorǵaý erejelerin buzý oqıǵasy boıynsha sotqa deıingi tergeý júrgizilip jatyr, dep habarlaıdy Egemen.kz.

Bul týraly oblystyq polısııa departamentiniń baspasóz qyzmeti málim etti.

Basqarmanyń málimetinshe, 30 qarashada Kókshetaý qalasy polısııa basqarmasynyń kezekshi bólimine oblys ortalyǵynyń 34 jastaǵy turǵyny oblystyq aýrýhanaǵa jetkizilgeni týraly habar túsedi. 

«Er adam «jabyq mı jaraqaty, sol jaqtaǵy 6-shy qabyrǵanyń synýy» dıagnozymen aýrýhanaǵa tústi. Jedel-tergeý toby onyń 30 qarasha kúni jańadan salynyp jatqan kóppáterli turǵyn úıdiń 5-qabatynan qulaǵanyn anyqtady. Osy jaǵdaıǵa baılanysty Qylmystyq kodekstiń 156-shy babynyń 1-shi bóligi «eńbekti qorǵaý erejelerin buzý» boıynsha sotqa deıingi is júrgizý bastaldy. Tekserý júrgiziledi» dedi vedomstvodan.

Uqsas jańalyqtar