Koronavırýs • 03 Jeltoqsan, 2021

«Qyzyl aımaqtan» qutyla almaı turmyz

61 ret kórsetildi

Soltústik Qazaqstan oblysyndaǵy epıdemııalyq ahýal ońalmaı tur. Tórt aptadan beri oblystyń matrısalyq baǵasy «qyzyl aımaqtan» shyǵa almaý­da. Oblystyq sanıtarlyq-epıdemıologııalyq baqylaý departamentiniń basshysy Áset Jumataevtyń aıtýynsha, osy ýaqytqa deıin oblysta indet juqtyrǵan 32 393 adam tirkelgen. О́tken táýlikte tirkelgender sany – 138. Tirkelgenderdiń kóbi – Petropavl qalasynan. Oblys ortalyǵynda syrqatqa ushyraǵandar sany – 67. Aýdandar arasynda Reseı Federasııamen shekaralas M.Jumabaev, Jambyl, Qyzyljar aýdandarynda aýyrǵandar sany 10-16 arasynda bolyp, joǵary deńgeıde tur.

12-25 qarasha aralyǵynda 1 919 jaǵ­daı tirkeldi. Bul aldyndaǵy eki ap­ta­ǵa qa­raǵanda 5,3 paıyzǵa tómen. Biraq qa­ýip seıilgen joq. Jekelegen aýdandar­da syrqatqa ushyraǵandar sany tipti arta túsken. Mysaly, Esil aýdanynda 1,3 ese kóbeıdi.

Reseı Federasııasymen shektesetin jol­­dardaǵy shekaralyq baqylaý be­ket­­teri arqyly oblysqa jyl basynan beri barlyǵy 314 145 adam kelse, sonyń ishinde 165 947 adam PTR sarap­ta­masynyń anyqtamalarymen jaıaý ótti, al Qazaqstan Respýblıkasynyń 5 782 azamaty anyqtamasyz kelip, COVID-19-ǵa zerthanalyq tekserýden ótý úshin karantındik stasıonarlarǵa ornalastyrylady. Olardyń arasynan 315 adamnyń boıynan indet belgisi tabyldy.

Al 72 saǵattan keshiktirmeı alynǵan PTR ádisi boıynsha COVID-19 synaýynan ótkeni týraly kýálikteri bol­maǵandyqtan 1 613 shetel azamatyna Qazaqstan aýmaǵyna ótýge tyıym salyndy. Shekaralyq ótkizý-shyǵarý be­ketindegi jaman indetke qatysty jalpy jaǵdaı osyndaı.

Oblysta 260 226 adam vaksınanyń birinshi komponentimen egilgen. Bul – tur­ǵyndardyń 70,2%-y. Ekinshi kompo­nentpen 243 144 egilgen, ıaǵnı tur­ǵyndardyń 65,6%-y vaksı­na­men to­lyq qamtyldy. 12-25 qarasha ara­lyǵynda 12 jastan asqan jas­ós­pi­rim­der­di, júkti áıelderdi (júk­tiliktiń 16-dan 37-shi aptasyna deıin), laktasııa kezindegi áıelderdi vaksınalaý jalǵasýda. Olardyń arasynan 1 567 adam egildi, sonyń ishinde 1 149 jasóspirim, 371 bala emizetin jáne 47 júkti áıel bar. Ekpe alǵandardyń barlyǵy ózderin jaqsy jaǵdaıda sezinedi, jaǵymsyz reaksııalar tirkelmegen. Al qaıta revaksınalaý boıynsha 978 adam qaıta egildi.

«Shekteý sharalarynyń áserin jal­ǵastyrý úshin eń aldymen, vaksınalanýy­myz kerek. О́ıtkeni vaksınalanbaǵan adamdar neǵurlym kóp bolsa, aýrýdyń taraý jáne jańa mýtasııalardyń paıda bolý qaýpi soǵurlym joǵary bolady. Al vaksınalardyń tıimdiligine ýaqyt ótken saıyn kózimiz jetip keledi», deıdi Á.Jumataev.

Qarasha aıynyń basynan beri 23 adamnan turatyn monıtorıngtik top 1 092 nysandy qamtyǵan 202 reıd júrgizip, 1,5 mln teńgege 26 tulǵany jaýapkershilikke tartty. Alaıda toı-tomalaq sany azaıar emes. Dástúrli túrde kúzde jasalatyn otba­sylyq merekeler kóbeıe tús­keni baıqalady.

«Ashyq» jobasyn buzýshylarǵa oblysta osy aıda 4 mln 897 myń teńgeden astam somaǵa 126 aıyppul salyndy. Buqaralyq aqparat quraldarynda ákimshilik aıyppul tólegen 116 shekteý sharalaryn buzýshy jarııalandy. «Qyzyl aımaqtan» shyǵa almaı turǵan óńirdegi indetpen kúrestiń jalpy ah­ýaly osyndaı. Ony tek saqtanýmen, sonyń ishinde maska rejimin buljytpaı oryndaýmen jáne vaksına ektirýmen toqtatýǵa bolatyny jaıly jan-jaqty aqparattandyrý jumystary júrgizilip keledi.

 

Soltústik Qazaqstan oblysy

 

Sońǵy jańalyqtar

Búgin 3 qalada aýa sapasy nasharlaıdy

Aýa raıy • Búgin, 09:38

Uqsas jańalyqtar