Bilim • 03 Jeltoqsan, 2021

Pedagogterdiń ortasha jalaqysy qansha?

126 ret kórsetildi

QR Bilim jáne ǵylym mınıstri Ashat Aımaǵambetov muǵalimderdiń ortasha jalaqysyn aıtty, dep habarlaıdy Egemen.kz.

«Otandyq bilim berýdi damytýdyń mańyzdy kezeńderiniń biri pedagogterdiń mártebesi týraly zańnyń qabyldanýy boldy. О́zderińizde bilesizder, Memleket basshysy zań qabyldaý jáne pedagogterdiń jalaqysyn keminde 2 ese ulǵaıtý týraly mindet júktedi. Bul jumys júrgizilip jatyr, ózekti mindet», dedi mınıstr QR Prezıdenti janyndaǵy Adam quqyqtary jónindegi komıssııa otyrysynda.

Mınıstrdiń aıtýynsha, 2019 jylǵa deıin pedagogıka mamandyǵyna túsýdiń ortasha baly óte tómen, 55-60 baldy ǵana qurap keldi. Al zań qabyldanǵannan keıin 2019 jyldan bastap naqty is-sharalar qabyldanyp, atalǵan mamandyqtarǵa túsý shekti baly 75-ke jetti.

«Bıylǵy UBT qorytyndysynda pedagogıka mamandyǵyna túsýshilerdiń ortasha baly 96 baldy qurady. Quziretti, básekege qabiletti myqty túlekter osy mamandyqty tańdap jatqanyn bildiredi. Soǵan oraı erteń mektepterimizdi myqty pedagogter keledi. Qazirdiń ózinde zań jumys istep tur deýge bolady», dedi ol.

Vedomstvo basshysy pedagogterdiń jalaqysy da aıtarlyqtaı óskenin atap ótti.

«Pedagogterdiń eńbek jaǵdaılary jaqsardy. Jalaqy kóterildi. Eger zań jobasy qabyldanǵanǵa deıin ortasha jalaqy shamamen 109 teńge bolsa, búginde 200 myń teńgeden asyp tústi. Bul elimizdegi pedagogterdiń ortasha jalaqysy», dedi Ashat Aımaǵambetov.

Sońǵy jańalyqtar

Esińde bolar ár kúniń

Qazaqstan • Keshe

Jemqorlyq statıstıkasy

Qazaqstan • Keshe

«Bir belgi úshin...»

Kıno • Keshe

Shynaıylyq

О́ner • Keshe

Balalyq shaqtyń aspany

Qoǵam • Keshe

Uqsas jańalyqtar