Elorda • 03 Jeltoqsan, 2021

LRT qurylysyn aıaqtaý úshin qansha qarjy qajet?

15885 ret kórsetildi

Elordadaǵy LRT qurylysyn aıaqtaýǵa qajet qarjyny 3,25 paıyzdyq nesıe arqyly jabý kózdelip otyr. Bul týraly Nur-Sultan qalasynyń ákimi Altaı Kólginov ortalyq kommýnıkasııalar qyzmetinde ótken brıfıngide málim etti, dep habarlaıdy Egemen.kz.

«LRT jobasy óte kúrdeli ekenin, úlken kapıtaldy qajet etetinin bilesizder. Biraq bastalǵan isti aıaqtaýymyz kerek. 2016 jyly konsorsıýmmen jáne banktermen kelisishart bekitilgen. Kelisimshart qa qol qoıylǵanymen, keıbir bankterge problemaǵa baılanysty joba ýaqytsha toqtatylǵan bolatyn. Qazir bankter arqyly ınvestısııa tartý boıynsha jumys jalǵasyp jatyr. Jobany aıaqtaýymyz kerek. Tolyq aqparat bereıin. Jobanyń quny 1,8 mlrd dollar turady, Onyń ishinde 347 mln dollar qazirdiń ózinde ıgerilip qoıǵan. O basta nesıe 4,9 paıyzben Qytaı damý bankinen alynǵanyn bilesizder. Keıin biz únemdeý týraly sheshim qabyldadyq», dedi ákim.

Sondaı-aq ol jobany qaıta qaraý kezinde qanshy qarajat únemdelgenin atady.

«О́z elimizdegi ekinshi deńgeıli bankterden 3,25 paıyzben oblıgasııalyq qaryz alý boıynsha jumys istep jatyrmyz. Iаǵnı bul 4,9 paıyzdan áldeqaıda az. Onyń ústine qaryzǵa qyzmet kórsetý boıynsha 800 mln dollar únemdeıtin edik. Odan bólek EPC kelisimsharty boıynsha 200 mln dollar jáne únemdedik. Stansııalar men vagondardyń sanyn qysqartý arqyly 150 mln dollar únemdeldi», dedi Altaı Kólginov.

Qala basshysy jobany aıaqtaý úshin 1 mlrd dollar kóleminde qarjy tartý kerek ekeni taǵy bir eske saldy.

«LRT-nyń qazirgi kúıi qalanyń sáýletine sán kirgizip tur deý qıyn. Buǵan deıin qanshama qarjy salyndy?! Keleshekte qalanyń qoǵamdyq kóligin damytý úshin, ekologııalyq taza kólikpen qamtý úshin bul qajet. Turǵyndardyń sany ósip kele jatqanyn da eskerý qajet. Qazir qalada 1 mln 200 myń adam bar. Aldaǵy 10 jylda 2 mln adamǵa jetýi múmkin. Dál osy LRT ótetin Sol jaǵalaýda qurylystyń tyǵyzdyǵy artyp keledi. Byltyrǵy pandemııa jylynyń ózinde Esil aýdanynyń halqyna 40 myń adam qosyldy. Men óńirde jumys istegenmi. О́ńirler ólshemimen alsaq, bul eki aýdannyń halqy degen sóz. Halyq ósimi áli jalǵasyp jatyr», degen ákim kelissózder júrgizip jatqan baknterdiń atyn ataýdan bas tartty.

«Jobany túbi aıaqtaımyz. Qazir banktermen jumys istep jatyrmyz. Solardyń ótinishi boıynsha naqty qandaı bank ekenin aıta almaımyz. Kelisimshartqa qol qoıylǵan kezde ǵana aqparatyn beremiz. Naqty aıtsaq, bankter konsorsıýmymen jumys istep jatyrmyz. Solardyń ótinishi boıynsha jarııalamaımyz. Kelisim mynadaı mazmunda júrip jatyr. Buǵan deıin bir qaryzdan bas tarttyq qoı. Onyń mólsherlemesi 4,9 paıyz bolsa, bul joly 3,25 paıyz bolady», dedi elorda basshysy.

Sońǵy jańalyqtar

Qazaqstanda un 41%-ǵa qymbattady

Qoǵam • Búgin, 10:45

Bas báıge – 5 mıllıon teńge

Sport • Búgin, 07:50

Qazaqstan – 4-sebette

Sport • Búgin, 07:49

Jerlesterimiz jeńiske jetti

Tennıs • Búgin, 07:47

Aǵaıyndylar áspettegen qundylyq

Aımaqtar • Búgin, 07:45

Egizder sherýi

Qoǵam • Búgin, 07:43

Eskendir esimi estiletin aspap

Tanym • Búgin, 07:41

Ustazdarǵa qyzmettik páter berildi

Qoǵam • Búgin, 07:36

Tolǵan ortanyń tolǵamy

Qoǵam • Búgin, 07:35

Neobank ne bank?

Qarjy • Búgin, 07:33

Agrarlyq ǵylymnyń jańa kezeńi

Pikir • Búgin, 07:32

Jaýapkershilik júktegen Joldaý

Pikir • Búgin, 07:30

Qarjynyń qaıtarymy bola ma?

Saıasat • Búgin, 07:28

Kandıdattyń shyǵyny óteledi

Saıasat • Búgin, 07:27

Birligimizge syzat túspesin

Qazaqstan • Búgin, 07:25

Saıası doda bastaldy

Saıasat • Keshe

Aýdanǵa sabylmaıtyn boldy

Aımaqtar • Keshe

Immýn tapshylyǵy alańdatady

Medısına • Keshe

Uqsas jańalyqtar