Uly Jambyl murasy ulyqtaldy

Keshe aqyn murajaıynda Qazaqstan Respýblıkasynyń Memlekettik hatshysy Qyrymbek Kósherbaevtyń qatysýymen jyr alyby Jambyl Jabaevtyń «Jambyl álemi» 30 tomdyq shyǵarmalar jınaǵynyń tusaýy kesildi. Aqyn mýzeıindegi bul sharada shyǵarmashyl jastarmen kezdesý uıymdastyrylyp, rýhanııat taqyrybynda ózara pikir almasý ótti. Jambyl Jabaevtyń 175 jyldyǵy men el Táýelsizdiginiń 30 jyldyǵy úılestirilgen jıynǵa Premer-Mınıstrdiń orynbasary Eraly Toǵjanov, Almaty oblysynyń ákimi Qanat Bozymbaev, Mádenıet jáne sport mınıstri Aqtoty Raıymqulova, Qyrǵyz eliniń delegasııasyn bastap kelgen Qyrǵyzstannyń Memlekettik hatshysy Súıúmbek Kasmambetov qatysty.

Aldymen resmı qonaqtar Jambyl Jabaev pen Nurǵısa Tilendıevtiń eskertkishterine gúl shoqtaryn qoıyp taǵzym etti. Munan soń aqyn mýzeıinde Almaty oblysy ákimdiginiń Qazaqstan Jazýshylar odaǵymen birlesip shyǵarǵan 30 tomdyq «Jambyl álemi» kitaptarynyń tusaýy kesildi.

Memlekettik hatshy Qyrymbek Kósherbaev elimizdegi «Rýhanı jań­ǵyrý» baǵdarlamasy óziniń zańdy jal­ǵasyn «Ulttyq rýhanı jańǵyrý» jobasynan taýyp jatqanyn, elimizdiń ádebı-mádenı ómirindegi eleýli bastamalar, jastardy qoldaý sharalary týraly aıta kele, Jambyl babanyń qazaq pen qyrǵyzǵa teń tulǵa ekenin tilge tıek etip, kórshi elden arnaıy kelgen resmı qonaqtardyń qadamyna qut tiledi. Sodan soń jastarǵa qarata:

– Shyǵarmashyl jastar Jam­byl aqynnyń rýhyna táý etsin, óz­deri­ńiz­di baba rýhy qoldap júrsin dep bú­gin osy sharany arnaıy jyr aly­by­nyń mýzeıinde ótkizip otyrmyz. Sizder táýelsizdik jyldarynda Qazaq­stannyń ár túkpirinde shyǵarmashy­lyq­taryńyzdy shyń­dap, kóptegen tabys­qa qol jet­kizdińizder. Biz sizderge zor úmit­pen qaraımyz. Jambyl babamyz týyn kótergen qazaq pen qyrǵyzǵa teń óner aıtys – naǵyz táýelsizdiktiń, azat rýhtyń sımvoly. Sondyqtan rýhanı ishki táýelsizdigimiz úlken jetistikterge jol bastaıdy. Prezıdentimiz aıt­qan kreatıvti ındýstrııa baǵytyn damytýǵa, zamanaýı tehnologııalardy qoldana otyryp, jańa jobalardy iske asyrýǵa sizderdiń múmkindikterińiz mol. Oǵan memleket tarapynan barlyq qajetti qoldaýlar bar, – dedi Q.Kósherbaev.

Qyrǵyz Respýblıkasynyń Mem­­le­kettik hatshysy S.Kas­mam­betov kórshi eldegi Jambyl Jabaev murasynyń nasıhatyn, jas urpaqtyń tárbıesindegi, eki el arasyndaǵy rýhanı baılanysty nyǵaıtýdaǵy aqyn tulǵasynyń róline toqtaldy.

Sol sııaqty Qazaqstan Respýb­lıkasy Premer-Mınıstriniń orynbasary Eraly Toǵjanov, Mádenıet jáne sport mınıstri Aqtoty Raıymqulova já­ne basqa da laýazymdy tulǵalar aqyn­nyń mereıtoılyq sharasynyń ónerli jastarǵa berer taǵylymyn sózderine arqaý etti.

О́z kezeginde Almaty obly­sy­nyń áki­mi Qanat Bozymbaev óńirde Jambyl Ja­baevtyń mereıtoıyna baǵyttalyp ótkizilgen sharalarǵa qysqasha toqtalyp ótti.

– Mine, ózderińizben birge Jam­byl Jabaev ádebı-memorıaldy mýzeıinde elimizdiń keleshegin kemel etetin res­pýblıkamyzǵa bel­gili jas aqyn-ja­zý­shylarmen kezdesip, Qazaqstan Ja­zýshylar odaǵy basqarmasymen bir­le­sip shyǵarǵan «Jambyl álemi» 30 tom­dyǵynyń tusaýkeser rásimin sal­ta­natty túrde ótkizip otyrmyz. Bul ǵasyrdan-ǵasyrǵa mura bolyp qala­tyn ádebı altyn qor dep sanaımyn. Ulylarymyzdy ulyqtaıtyn ıgi isterimiz kóp bolsyn! – dedi Q.Bozymbaev.

Kezdesýde belgili aıtys aqyny Jandarbek Bulǵaqov, aqyn, «Egemen Qazaqstan» gazetiniń bólim meńgerýshisi Mıras Asan, tanymal ónerpaz, Made in KZ tobynyń jetekshisi Baýyrjan Itıkeev, Soltústik Qazaqstan oblysy Ǵ.Músirepov aýdanyndaǵy aýyldyq kitaphananyń kitap­hana­shysy Nıkolaı Verbovskıı jáne basqa da bir top talantty jas óz oılaryn ortaǵa saldy. Solardyń qatarynda respýblıkalyq telearnalarda jas qalamgerlerdiń shyǵarmashylyǵyn nasıhattaıtyn arnaıy habar bolsa, jas kitaphanashylardyń kitap oqý mádenıetin qalyptastyrýǵa yqpal etetin jo­ba­larǵa memlekettik granttar berilse, mektepte 1-7 synyptarǵa qazaq kúıleri­niń tarıhy oqytylsa, elimizde «Azııa daýy­sy» sııaqty halyqaralyq óner baı­qaýyn ótkizýdi qolǵa alsa degen táriz­di kóptegen usynys-pikir aıtyldy. Olar­dyń árqaısysyna Qyrymbek Eleý­uly oı qosyp, halyqtyń rýhanı jań­ǵy­rýyna yqpal etetin bul usynystardyń barlyǵy da tıisti salalarmen birlesip talqylanyp, eskeriletinin jetkizdi.

Kezdesý sońynda el Táýel­siz­diginiń 30 jyldyǵyna oraı kezdesýge kelgen ár ónerli jasqa Jambyl baba rýhy darysyn degen nıetpen dombyra syıǵa tartyldy.

Jalpy, osy jıynda tanys­ty­rylǵan «Jambyl joly» 30 tom­dyǵyn Almaty oblysynyń ákim­digi Jazýshylar odaǵymen bir­lesip shyǵardy. Oǵan oblystyq bıýd­jetten 114 mln teńge bólin­di. Onda aqynnyń ómir tarıhy, shet tilden aýdarylǵan shyǵar­malary, mýzykalyq murasy, Jam­byl Jabaev týraly zertteý­ler, estelikter, aqynnyń ustaz­dary Súıinbaı, Qaban jyraý, Maılyqoja, zamandastary, shákirtteri týraly derekter men shyǵarmalary, J.Jabaev týraly kórkem shyǵarmalar, Jambyldyń talantty urpaqtary jaıly jáne basqa da derekter engizilgen.