Elorda • 07 Jeltoqsan, 2021

Elordanyń shet aımaqtaryn damytý jáne abattandyrý: QR Prezıdentiniń tapsyrmalary qalaı oryndalyp jatyr

69 ret kórsetildi

Nur-Sultanda aýdandardy abattandyrý jumystary júıeli túrde jalǵasýda. Qurylys Memleket basshysynyń Qazaqstan halqyna Joldaýyn iske asyrý sheńberinde jáne qala basshylyǵynyń tapsyrmasyn oryndaý maqsatynda «Nur-Sultan — jaıly qala» master – josparynyń tujyrymdamasyn júzege asyrý aıasynda júrgizilýde. Bul týraly elorda ákimdiginiń resmı saıty habarlady, dep jazady Egemen.kz.

Baıqońyr aýdanynda 237 aýla bar. Osy jyly 57 aýlada 9 fýtbol alańy, 2 basketbol alańy, 210 kóshe trenajeri, 570 birlik shaǵyn sáýlet nysandary ornatyldy. Abattandyrý kezeńinde aýdanda 12 000 sharshy metr aýmaq tóselgen taspen (brýschatkamen), al 19 000 sharshy metr - asfaltbeton jabynymen jabyldy. О́tpe joldar, turaq aımaqtary jaılastyryldy, sondaı-aq kógaldandyrý júrgizildi. Bıyl «Halyq qatysatyn bıýdjet» jobasy aıasynda 8 aýla men 1 skverdi abattandyrý júrgizildi. Baǵdarlamanyń maqsaty-turǵyndardyń bastamasy jáne usynystary boıynsha aýdandy damytý jáne abattandyrý.

Sonymen qatar 4 qoǵamdyq keńistikti jaılastyrý boıynsha jumystar júrgizildi, onyń ishinde: «Qutqarýshylar» skveri, Respýblıka dańǵyly men Seıfýllın jáne Jolymbet kósheleri boıyndaǵy jaıaý júrginshiler jáne qoǵamdyq keńistikter.

Taǵy 3 qoǵamdyq keńistikte jumys júrgizilip jatyr, olardy jyl sońyna deıin aıaqtaý josparlanyp otyr.

z

Aıta ketý kerek, qoǵamdyq keńistikti jaılastyrý kezinde turǵyndardyń pikiri únemi eskeriledi, sheshimder ujymdyq túrde qabyldanady. Atap aıtqanda, ýchaskeler belgili bir aımaqtarǵa bólindi – eresekter, jastar, sondaı-aq egde jastaǵylar úshin. Ár keńistikte, jas erekshelikterine qaramastan, barlyq turǵyndar bos ýaqytyn ótkize alady, munda kóshe trenajerleriniń elementteri bar balalar, sport jáne gımnastıka alańdary, kóshe vorkaýty men skeıt alańdary, sándik kóshe burylystary, oryndyqtar men ýrnalary bar praktıkalyq kóleńkeli shatyrlar bar.

Esil aýdanynda da aýqymdy jumystar jalǵasýda. Munda «Úrker», «Prıgorodnyı» jáne «Telman» turǵyn alaptary abattandyrylady. Árbir ýchaske kelesi kórsetkishter boıynsha jańartylady: jeliler men joldardyń qurylysy, joldardy jóndeý, sanıtarlyq tazalaý, sý tasqynyna qarsy kúres, jaryqtandyrý jáne abattandyrý. Mysaly, tek «Telman» turǵyn alabynda uzyndyǵy 120 m trotýar salý boıynsha jumystar júzege asyryldy.

z

Almaty aýdanynda bir jylda 53 aýla jáne 8 qoǵamdyq keńistik abattandyryldy. Aıta ketý kerek, abattandyrýdy josparlaý kezinde keńeske turǵyn alaptar men oramdardyń turǵyndary shaqyrylady. Qoǵamdyq keńistikter arasynda «Nur-Sultan – jaıly qala» tujyrymdamasy aıasynda jańa qalalyq jaǵajaıdy, Saraıshyq kópiri boıyndaǵy «Sıren skverin», Abylaı han dańǵyly, «Jastar» saıabaǵynda NS Streetlife, Trıatlon parki aldyndaǵy alleıany, Esil ózeni boıyndaǵy iri balalar oıyn alańyn jáne Aqtasty kóshesin jaılastyrý boıynsha jumystar júrgizildi.

Sonymen qatar, 2021 jyly Nur-Sultanda 107 kóshede 46 km jol, onyń ishinde 31 ortalyq kóshe, on turǵyn alabynda 60 kóshe jáne áleýmettik nysandarǵa kiretin 16 jol jóndeldi. Ońtústik-Shyǵys turǵyn alabynyń ózinde 14 kóshege jóndeý jumystary júrgizildi. Dál osyndaı kóshe sany Kóktal-1-de jóndeldi.

Esterińizge sala keteıik, elorda ákimdigi aýlalar men qoǵamdyq keńistikti abattandyrýǵa erekshe kóńil bóledi. Qala ákimi Altaı Kólginovtiń tapsyrmasy boıynsha «Nur-Sultan-jaıly qala» master - jospary aıasynda 500-den astam aýla men qoǵamdyq keńistikter (saıabaqtar, skverler, býlvarlar) abattandyryldy.

zd

О́tken jyly Nur-Sultanda 76 gektardan astam jer abattandyrylyp, 150-den astam aýla men 60 qoǵamdyq keńistik (saıabaqtar, skverler, býlvarlar) abattandyryldy. «Nur-Sultan-jaıly qala» master - josparyna sáıkes 2021 jyly jalpy alǵanda 190-nan astam aýla men qoǵamdyq keńistik abattandyryldy.

Aýlalardy abattandyrý kezinde Prezıdenttiń tapsyrmasy boıynsha kógaldandyrýǵa erekshe kóńil bólinedi. Bıyl elordada 1 mıllıonnan astam jasyl jelek (butalar, aǵashtar, kóshetter) otyrǵyzyldy.

Sońǵy jańalyqtar

Ýtıl alymy ýaqytsha toqtatyldy

Ekonomıka • Búgin, 12:51

Elordada avtokólik aýdarylyp qaldy

Elorda • Búgin, 12:18

Dennı Dıgnam Jánibekpen jekpe-jekke daıyn

Kásipqoı boks • Búgin, 11:43

Dollar baǵasy arzandady

Ekonomıka • Búgin, 11:32

WBO Andradeni qorǵaýǵa kóshti

Kásipqoı boks • Búgin, 09:55

Uqsas jańalyqtar