Jylytý maýsymyna daıyndyq boıynsha profılaktıkalyq jumys 15 tamyzdan bastalady jáne jylytý maýsymynyń sońyna deıin jalǵasady. 15 tamyzdan 15 qyrkúıekke deıin áleýmettik osal topqa jatatyn otbasylardyń úılerin aralaý júrgizildi. Negizinen, buzýshylyqtardyń arasynda jylytý peshteriniń nashar jaǵdaıy, eskirgen elektr symdary bar. Elordalyq TJD bastyǵy Qýanysh Bazarbaevtyń aıtýynsha, jalpy 19 myń buzýshylyq anyqtalǵan.
«Bul otbasylarmen profılaktıkalyq áńgimeler, nusqaýlyqtar ótkiziledi. Árıne, eskirgen turǵyn úı jyldar ótken saıyn jańarmaıdy, sáıkesinshe buzýshylyqtar sany da arta túsedi», dedi Qýanysh Bazarbaev.
Bıyl qalalyq ákimdiktiń jáne qaıyrymdylyq uıymdarynyń qoldaýymen áleýmettik osal otbasylar úshin 33 ýly gaz datchıgi ornatyldy. Jylytý maýsymynyń sońyna deıin taǵy 80 datchık ornatý josparlanýda.
TJD avtonomdy jylytýy bar úılerdiń turǵyndary TJ qyzmetkerlerin tekserý úshin keıde kirgizbeıtinin atap ótti. Jylytý maýsymy bastalǵannan beri osyndaı 55 jaǵdaı tirkelgen.
TJ departamentiniń usynymdaryna sáıkes, ózińizdi órtten qorǵaý úshin birqatar erejelerdi saqtaý qajet.
Elektr quraldaryn paıdalaný kezinde:
- úıde jasalǵan elektr jylytý quraldaryn paıdalana almaıtynyńyzdy umytpańyz;
- iske qosylǵan elektr quraldaryn qaraýsyz qaldyrmańyz;
- elektr symdary men kabelderdi Tek tutas oqshaýlaǵyshpen paıdalanyńyz;
- jaramdy rozetkalar men ajyratqyshtardy paıdalanyńyz;
- elektr plıtalary men elektr sháınekteri janbaıtyn materıaldardan jasalǵan tuǵyryqtarda bolýy tıis;
- jeliniń artyq júktelýine jol bermeý úshin elektr rozetkasyna bir mezgilde birneshe elektr aspaptaryn, ásirese qýaty joǵary aspaptardy qospaýǵa tyrysyńyz;
- shamadan tys júktemeden jáne qysqa tuıyqtalýdan qorǵaý apparattarynda kalıbrlenbegen balqymaly endirmelerdi qoldanýdan bas tartyńyz;
- elektr symdaryn ornatýdy tek maman ǵana oryndaýy kerek ekenin umytpańyz.
Peshterdi paıdalaný kezinde:
- pesh pen murjanyń jaramdylyǵyn aldyn ala tekserińiz;
- esińizde bolsyn, peshtiń betindegi qabatta jaryqtar men tesikter bolmaýy kerek, al murjada jaqsy tartylys bolýy kerek;
- tútin shyǵatyn qubyr edenderdiń nemese qabyrǵalardyń konstrýksııalarynyń janý múmkindigin boldyrmaıtyndaı etip jasalýy kerek ekenin bilińiz;
- peshtiń qyzyp ketýine jol bermeý úshin ony kúnine birneshe ret qyzdyryńyz;
- peshti jaǵý kezinde janǵysh suıyqtyqtardy paıdalanbańyz;
- janyp jatqan peshti qaraýsyz qaldyrmańyz;
- peshti tek eresek adam ǵana jaǵýy kerek.
Aýa temperatýrasynyń kúrt tómendeýine baılanysty Departament peshti jaǵý kezinde órt qaýipsizdigi erejelerin saqtaýǵa shaqyrady.
О́rt shyqqan jaǵdaıda dereý qutqarý qyzmetine 01 (stasıonar boıynsha) jáne 101 (uıaly baılanys boıynsha) telefondary boıynsha júginý qajet.
