Asqar Mamın Aqmola oblysynda jańa zaýytty iske qosty

El Táýelsizdiginiń 30 jyldyǵyna arnalǵan saltanatty sharada Asqar Mamın Aqmola oblysy elimizdiń mańyzdy agrarlyq-ındýstrııalyq óńirleriniń biri ekenin atap ótti.

Táýelsizdik jyldarynda jalpy óńirlik ónim $446 mln-nan $5,4 mlrd-qa deıin 12 ese ósti.

Aqmola oblysy elimiz boıynsha astyq jınaıtyn kombaındardyń 70%-ǵa jýyǵyn, traktorlardyń 43%-yn, mamandandyrylǵan avtomobılderdiń 47%-dan astamyn, moıyntirekterdiń 100%-yn, quramynda altyny bar óndiriletin kenderdiń 45%-dan astamyn, jartylaı óńdelgen altynnyń 27%-ǵa jýyǵyn shyǵaryp keledi.

Indýstrııalandyrý kartasynyń jobalaryn iske asyrý boıynsha qosylǵan zaýyttyń quny joǵary, buǵan deıin shyǵarylmaǵan 20-ǵa jýyq jańa ónim túrleriniń óndirisin uıymdastyrýǵa múmkindik berdi.

Aqmola oblysy elimizdiń azyq-túlik qaýipsizdigin qamtamasyz etýde mańyzdy ról atqarady. Oblys el ishinde aýyl sharýashylyǵynyń úlesi boıynsha 5-shi orynda tur. О́ńir 25% astam astyq (5 mln tonna), 23,5% qus etin (80 myń tonna), 16% jumyrtqa (800 mln dana) jáne 8% et (150 myń tonna) óndiredi. Egistik jer kólemi 5 mln gektardan asady, oblys aýmaǵynda 8 qus fabrıkasy jáne 15 et óńdeý kásiporny jumys isteıdi.

Kólik ınfraqurylymy belsendi túrde jańǵyrtylýda, balabaqshalar, mektepter, medısınalyq jáne sport obektileri salynyp jatyr. 6,9 mln sharshy metrge jýyq turǵyn úı salyndy. Jalpy qýaty 290 MVt bolatyn jańartylatyn energetıka obektileri iske qosyldy.

Týrızm salasynda da eleýli ózgerister baıqaldy. Oblys aýmaǵynda 3 memlekettik ulttyq tabıǵı park ashyldy: «Kókshetaý» (1996 j.), «Býrabaı»  (2000 j.) jáne «Buırataý» (2011 j.), jalpy aýdany shamamen 240 myń ga. Shýchınsk-Býrabaı kýrorttyq aımaǵynyń aýmaǵynda 15 mlrd teńgeden astam somaǵa týrızm jobalary iske asyryldy. Jalpy ınvestısııa kólemi 100 mlrd teńge bolatyn Býrabaı kýrorttyq aımaǵyn damytý jobalaryn iske asyrý kózdelgen.

Oblystyń áleýetin arttyrý sheńberinde 2025 jylǵa deıin AО́K, energetıka, qurylys materıaldaryn óndirý, kólik jáne logıstıka, t. b. perspektıvaly salalarda jalpy somasy 2 trln teńge bolatyn 340-qa jýyq mańyzdy ınvestısııalyq jobany iske asyrý kózdelgen.

Memleket basshysy Qasym-Jomart Toqaevtyń Jarlyǵyna sáıkes, Premer-Mınıstr Táýelsizdik kúnine oraı Aqmola oblysynyń aýyl sharýashylyǵy taýaryn óndirýshilerine, kásiporyndardyń jumysshylaryna, densaýlyq saqtaý, sport, BAQ salasynyń ókilderine jáne kásipkerlerge memlekettik nagradalardy tabystady.

«Parasat» ordenimen «Árip-Agro» JShS dırektory Ýálıhan Áripov, II dárejeli «Dostyq» ordenimen «Kazrost» kompanııalar tobynyń quryltaıshysy Davıd Bejýashvılı, «Qurmet» ordenimen – «ENKI» JShS dırektory Myrzabaı Ábdiqalyqov jáne «Tuqym Agro» JShS dırektory Igor Pýgachev, III dárejeli «Eńbek dańqy» ordenimen – «Qamqor Lokomotıv» JShS «Atbasar elektrovoz jóndeý zaýyty» fılıalynyń avtomatty sehynyń jyljymaly quramyn jóndeý slesari Sáken Ábdirahmanov jáne «EPK Stepnogorsk» AQ tehnıkalyq baqylaý ýchaskesiniń sheberi Tatıana Sherbakova marapattaldy.

«Eren eńbegi úshin» medalimen «Qazaqstan agroınnovasııalyq korporasııasy» JShS bas dırektory Oleg Balybın, «KI 811 avtojóndeý zaýyty» AQ bas dırektory Ramıl Baıazıtov, «KTK» telearnasynyń menshikti tilshisi Aızat Dúısen marapattaldy.

«Shapaǵat» medalimen «Qazaqstan halyq banki» AQ Aqmola oblystyq fılıalynyń dırektory Dáýlet Topın, QR Qurmet gramotasymen jeke kásipker Bolat Ábdirahmanov, «Qazaqstan Respýblıkasynyń Táýelsizdigine 30 jyl» mereıtoılyq medalimen «Rodına» agrofırmasy» JShS bas dırektory Ivan Saýer, Aqmola oblysynyń densaýlyq saqtaý salasynyń eńbek sińirgen ardageri Bolat Janádilov, joǵary sport sheberligi mektebiniń bokstan halyqaralyq dárejedegi sport sheberi Temirtas Júsipov marapattaldy.

Issapar barysynda Úkimet basshysy «ENKI» JShS keramıkalyq kirpish shyǵarý jobasynyń II kezeńiniń ashylý rásimine qatysty. Kásiporynnyń qýaty jylyna 30 mln dana kirpishti quraıdy. 2010 jyly paıdalanýǵa berilgen kirpish zaýyty jobasynyń I kezeńin eskere otyryp, kirpish óndirisiniń jalpy qýaty jylyna 90 mln danany, al jumys oryndarynyń sany 400-di quraıdy. Zaýyt ónimi QR ishki naryǵyna jetkiziledi, sondaı-aq shetelge eksporttalady.

Sonymen qatar, Premer-Mınıstr Aqmola oblystyq tarıhı-ólketaný mýzeıindegi «Táýelsizdiktiń 30 jyly» jańa zalymen tanysty, «Bolashaq sarai» saraıyna jáne «Kókshetaý» mádenıet saraıyna bardy.