TJD ókilderi saǵat 23:58-de oqıǵa ornyna kelgen kezde Turǵyn úı kesheniniń 6-7-qabattarda jáne 17-18-qabattaryndaǵy eki blokta da órt shyqqany anyqtaǵan.
«Oqıǵa ornynda jedel shtab quryldy, shyǵys jáne batys jaǵynan gaz-tútinnen qorǵaý qyzmetinen jaýyngerlik ýchaskeler quryldy, búginde 120-dan astam adam evakýasııalandy, 20 adam qutqaryldy, órt oqpandary engizildi, gıdranttarǵa avtosısternalar qosyldy. Baspaldaq torlaryndaǵy tútindi azaıtý úshin joıý avtomobıli jumyldyryldy. Evakýasııalanǵandardyń sany ózgerip jatyr», dedi TJD ókilderi.
Almaty TJD aqparaty boıynsha, Altyn bulaq-2 turǵyn úı keshenindegi órt 01.45-te sóndirilgen.
«11 jeltoqsanda saǵat 23:58-de Almaty TJD kúshteri men quraldary joǵary shaqyrý boıynsha Almaly aýdany, Brýsılovskıı kóshesi, 167-ge shyqty. О́rt sóndirý bólimsheleri 00:08-de jetti, olar kelgende «Altyn bulaq-2» turǵyn úı keshenindegi 18 qabatty turǵyn úıiniń eki blogynda kabeldik shahtalar janǵany anyqtaldy. Evakýasııa joldarynda temperatýra joǵarylap, qoıý tútin paıda bolyp, turǵyndardyń ómiri men densaýlyǵyna qaýip tóndi. Qutqarý jumystaryn júrgizýge barlyq kúsh men qural dereý jumyldy. Sonymen qatar daýys zoraıtqysh baılanys arqyly turǵyndarǵa esikterin tyǵyz jaýyp, baspaldaqqa shyqpaý keregi aıtyldy. Oqıǵa ornynda shyǵys jáne batys jaǵynan órt sóndirý ýchaskeleri quryldy. Qutqarý jumystaryn júrgizý barysynda gaz-tútinnen qorǵaý qyzmeti 177 adamdy evakýasııalady, onyń ishinde alty bala bar, 27 adam qutqaryldy, onyń ishinde bes bala jáne eki úı mysyǵy bar. О́rtti joıý úshin órt oqpandary qoıyldy, avtosısternalar gıdranttarǵa ornatyldy. Baspaldaqtaǵy tútindi azaıtý úshin tútin shyǵaratyn órt sóndirý avtomobılderi iske qosyldy. 85 qyzmetker, 23 tehnıka jumyldy. Qaza bolǵandar joq», dep habarlady vedomstvo ókilderi.
