«Mańǵystaý oblysynyń tórtinshi synyp oqýshysy matematıka sabaǵynda qoldanýǵa arnalǵan qural jasap, óziniń bilimi men kúsh-jigeriniń arqasynda respýblıkalyq konkýrsta 1 mıllıon teńge utyp alǵany qýantady. Daryndy balalardyń áleýetin kótermeleý jáne ashý óte mańyzdy. Oqýshynyń ol syıaqyny óz mektebine ınteraktıvti taqta satyp alýǵa jumsaýǵa nıet bildirgeni onyń keń júrekti ekenin jáne boıynda basqa da jaǵymdy qasıetteri bar ekenin kórsetedi. Bul rette, ınteraktıvti taqtany respýblıkalyq konkýrsta jeńiske jetken oqýshy emes, jergilikti atqarýshy organ satyp alýy tıis dep sanaımyn. Árıne, balalardyń óz mektebin qoldaýǵa jáne damytýǵa degen umtylysyn kótermeleý jáne qoldaý kerek, biraq mundaı jolmen emes», dedi komıtet basshysy.
Sondaı-aq, ol mektepterdi zańdy túrde qarjylandyrý jergilikti ákimdikterdiń quzyretinde ekenin eske saldy.
«Qajetti jabdyqtardy satyp alý úshin ákimdikterge bıýdjet qarajaty bólinedi. Mańǵystaý oblysynyń bilim basqarmasyna zııatkerlik konkýrsta jeńiske jetý nátıjesinde alynǵan aqshany mektep oqýshysyna qaıtaryp, jergilikti bıýdjetten bólingen qarajat esebinen qajetti qural-jabdyqtar satyp alý usynyldy», dedi Gúlmıra Kárimova.
