Oqıǵa 15 jeltoqsanda tańerteń bolǵan. Belgisiz bireýler Shymkenttegi áýejaıǵa «bomba qoıylǵanyn» habarlaǵan.
Kýágerler arnaıy qyzmet pen quqyq qorǵaý organdary oqıǵa ornyna kelip jatqany túsirilgen vıdeo jarııalady. Kadrlarǵa qaraǵanda, áýejaıdaǵy barlyq qyzmetker men jolaýshylardy kóshege shyǵarýǵa týra kelgen.
Polısııa málimetinshe, qazir tekserý júrgizilip jatyr.
«Derek Qylmystyq kodekstiń 273-baby «Terrorızm aktisi týraly kórineý jalǵan habarlaý» boıynsha tirkeldi. О́zge aqparat tergeý múddesine sáıkes jarııa etýge jatpaıdy», dep málimdedi kóliktegi Polısııa departamentiniń baspasóz qyzmeti ókilderi.
