Google kompanııasy koronavırýs indetinen saqtaný úshin egiletin mindetti vaksınasııa týraly talapty oryndaýdan bas tartqan qyzmetkerlerdi jumystan bosatý týraly sheshim qabyldaıtynyn aıtty.
Kompanııa jetekshileri buǵan deıin óziniń barlyq qyzmetkerlerinen 3 jeltoqsanǵa deıin covid-19 vaksınasııasyn rastaıtyn sertıfıkat nemese medısınalyq, dinı sebepterge baılanysty vaksınasııalaý múmkin emestigin aıǵaqtaıtyn qujat usynýdy talap etken bolatyn.
Kompanııanyń jańartylǵan erejelerine sáıkes, qajetti qujattar usynylmaǵan jaǵdaıda 2022 jyldyń 18 qańtarynan bastap qyzmetkerler bir aıǵa «aqyly ákimshilik demalysqa» jiberiledi. 30 kún ótkennen keıin vaksınasııalanbaǵan jumysshylar jarty jylǵa aqy tólenbeıtin demalysqa aýystyrylady, sodan keıin olar jumystan shyǵarylady.
