Aımaqtyq BAQ qyzmetkerleri birinshi lotta jalǵa alynatyn kólikke beriletin soma 325 714 285 teńge dep kórsetilgenin anyqtaǵan. Ekinshi lotta 229 446 782 teńge kólikti júrgizýshimen birge jalǵa alynatyn qyzmet quny retinde kórsetilgen.
Al oblystyq polısııa departamentiniń málimdeýinshe, memlekettik satyp alý rásimine sáıkes, departament qajettiligi úshin avtokólikti jalǵa alýǵa bólingen somany bekiter aldynda mamandar taldaý júrgizgen.
– Esepteýlermen jaldamaly avtokólikti paıdalaný ony satyp alýǵa jáne ustaýǵa qaraǵanda áldeqaıda únemdi jáne tıimdirek ekeni ras. О́ıtkeni avtokólikti jalǵa alý qunyna kólik quralyn saqtandyrý, tehnıkalyq tekserý, avtomobıl dári qobdıshasynyń, órt sóndirgishtiń, JJM bolýy, kúndelikti jáne kúrdeli jóndeýge qyzmet kórsetý, onyń ishinde TQ-1, TQ-2, shınalardy jáne AKB (akkýmýlıator) aýystyrý kiredi, osy shyǵyndardyń barlyǵyn merdiger uıym óz moınyna alady. Máselen, 30.11.2021 jyly Mańǵystaý oblysynyń polısııa departamenti (№ 6493747-2 –) Departamenttiń qajettilikteri úshin 2022 jylǵa jeńil avtomobılderdi jalǵa berý boıynsha habarlandyrý berdi. Júrgizýshimen avtokólik quralynyń 47 birligin jalǵa alý – 229 mln 446 myń teńge jáne júrgizýshisiz avtokólik quralynyń 80 birligin jalǵa alý – tıisinshe 325 mln 714 myń teńge. Konkýrstyń jalpy somasynyń ulǵaıýy málimdelgen jalǵa beriletin avtokólik quraldary sanynyń ulǵaıýymen baılanysty. Bul rette, avtokólik quralynyń 1 birligi úshin soma 2021 jylmen salystyrǵanda ózgergen joq, – dedi vedomostvo ókilderi.
