Qoǵam • 23 Jeltoqsan, 2021

Qazaqstanda 28 seısmıkalyq stansııa ornatylady

64 ret kórsetildi

Búginde elimizde seısmıkalyq qaýiptiń aldyn alý maqsatynda 63 seısmıkalyq stansııa jumys istep tur. Aldaǵy ýaqytta taǵy 28 stansııa ornatylmaq. Bul týraly QR Tótenshe jaǵdaılar mınıstri Iýrıı Ilın málim etti, dep habarlaıdy Egemen.kz.

«Búginde elimiz boıynsha seısmıkalyq qaýipti aımaqtarda jer silkinisin boljaý jáne seısmıkalyq qaýip-qaterdi tómendetý maqsatynda 63 stasıonarlyq stansııa jumys istep tur.

Sıfrlyq tehnologııalardy damytý aıasynda Almatyda jer silkinisin erte habarlaıtyn 9 avtomattandyrylǵan seısmostansııa ornatyldy. Onyń kórsetkishin mobıldik qosymsha arqyly kórýge bolady. Bolashaqta taǵy 28 ctansııa ornatý josparlanýda. Elimizdiń seısmıkalyq qaýipsizdigin qamtamasyz etý úshin 2023 jylǵa deıingi jol kartasy bekitilip, onyń aıasynda 20-dan astam is-shara qolǵa alynbaq», dedi Iýrıı Ilın OKQ-de ótken baspasóz máslıhatynda.

Mınıstrdiń aıtýynsha, bıyl 6 turǵyn úı, 37 densaýlyq saqtaý jáne 21 bilim berý nysany seısmıkalyq baqylaýdan ótti.

«Seısmıkalyq qubylystardyń táýlik boıǵy monıtorıngin seısmologııalyq tájirıbelik-ádistemelik ekspedısııa júrgizedi. Al jer silkinisi týraly boljaý men onyń kartasyn ázirleýdi Seısmologııa ınstıtýty júzege asyrady. Qazirgi ýaqytta Almaty qalasynda seısmıkalyq shaǵyn aýdandastyrý júrgizilip, Shyǵys Qazaqstan, Almaty jáne Jambyl oblystary men О́skemen qalasynyń seısmıkalyq kartasy ázirlendi. Sondaı-aq bıyl qyrkúıekte azamattyq qorǵanys organdary kúshteri men quraldaryn daıyndaý maqsatynda Qyrǵyzstan men О́zbekstannyń shekara mańy elderiniń bólimshelerimen «JER-2021» halyqaralyq oqý-jattyǵýy ótkizildi», deıdi ol.

Sońǵy jańalyqtar

Almaty zoobaǵy qonjyqpen tolyqty

Ekologııa • Búgin, 19:10

Dollar taǵy qymbattady

Qarjy • Búgin, 16:55

Elimizdiń basym bóliginde jańbyr jaýady

Aýa raıy • Búgin, 16:39

Almatyda sýburqaqtar iske qosylady

Aımaqtar • Búgin, 16:11

Uqsas jańalyqtar