«22 jeltoqsanda «Shahtınskaıa» shahtasynda metall buıymdardy tıeý kezinde 1975 jyly týǵan kenshi jaraqat aldy. Oǵan alǵashqy medısınalyq kómek kórsetilip, keıin aýrýhanaǵa jatqyzyldy. О́mirine qaýip joq. Oqıǵa tergelip jatyr», dedi «ArselorMıttal Temirtaý» AQ baspasóz qyzmeti ókilderi.
Jumysshysy professor Hafız Maqajanov atyndaǵy klınıkaǵa jatqyzyldy. Ol bas-mı jaraqatyn alǵan.
«Er adam jedel travmatologııa bólimine jatqyzyldy. Jaǵdaıy ortasha aýyr, turaqty», dedi Qaraǵandy oblysynyń densaýlyq saqtaý basqarmasy ókili.
Aıta keteıik, bıyl qarashada «ArselorMıttal Temirtaý» kompanııasynyń «Abaı» kenishinde metan shyǵýy saldarynan alty adam qaza tapqan bolatyn. Kenishte barlyǵy 64 jumysshy bolǵan. 56 adam dereý evakýasııalandy. Sondaı-aq, tótenshe jaǵdaı saldarynan eki kenshi zardap shekti. Keıin qaza tapqan kenshiler otbasyna on jyldyq eńbekaqy tólenetini habarlandy.
