«Álemde syrqattanýshylyqtyń ósýin jáne koronavırýstyń «omıkron» nusqasynyń keń taralýyn eskere otyryp, halyqty vaksınalaý qarqynyn arttyrý jáne tıisti halyqty vaksınalaýdy aıaqtaý qajet», dedi Jandos Búrkitbaev.
Spıker vaksınalaýdyń tıimdiligi dáleldengenin atap ótti: vaksınasııa bastalǵannan beri naýqastardyń 95%-y vaksınalanbaǵandarǵa tıesili. О́kpeniń jasandy jeldetkishindegi naýqastardyń 96%-y vaksınalanbaǵandarǵa keledi.
«Otandastaryma vaksınasııa men revaksınasııa paıdasyna durys sheshim qabyldaýǵa shaqyramyn. KVI boıynsha aǵymdaǵy epıdjaǵdaıdyń turaqtylyǵyn saqtaý mańyzdy. Osyǵan baılanysty, jergilikti atqarýshy organdarǵa vaksınasııa júrgizýdi jandandyrý jáne halyqty jappaı qaıta vaksınasııalaýdy jedeldetý qajet. Qazirgi ýaqytta 9,2 mln. adam qaıta vaksınasııalaýǵa jatady, onyń ishinde 400 myńnan astam adam osy prosedýradan ótti. Revaksınasııaǵa vaksına dozalarynyń jetkilikti sany bar. 2022 jyldyń jeltoqsanynan 1 toqsanyna deıin vaksınanyń 5 mln dozasyn jetkizý josparlanýda», dedi Jandos Búrkitbaev.
