«Taıson Fıýrı men Dıllıan Ýaıt arasyndaǵy shaıqas tartysty ótetini daýsyz. Taıson – qazirdiń ózinde aty ańyzǵa aınalǵan boksshy. Eger Ýaıt ony jeńetinine senimdi bolsa, biz usynǵan somaǵa kelisýi kerek. Biz dál qazir tabystyń 75 paıyzyn Taıson, 25 paıyzyn Dıllıan alady degen usynys jasadyq. Alaıda Dıllıan 5,5 mıllıon dollardy mise tutpaı, 10 mıllıon dollardan astam aqsha surap otyr.
Sizder Ýaıttyń osy ýaqytqa deıin qansha tabys tapqanyn qarap kórińizder. Túkke tatymaıdy. Al biz usynǵan soma onyń kásibı mansabyndaǵy eń úlken tabysy bolatyny sózsiz. Eger Dıllıan kónbegen jaǵdaıda Taıson tek The Ring jýrnalynyń beldigin ǵana qorǵaıdy. Odan keıin Aleksandr Ýsık pen Entonı Djoshýa jekpe-jeginiń jeńimpazymen kezdesedi. Bul jaǵdaıda tek Dıllıan Ýaıt qana barmaq tistep qalady», deıdi ol.
