Bıyl bul salada aýqymdy jumys júrgizildi.
Respýblıkalyq jáne jergilikti mańyzy bar avtojoldardyń 10 myń shaqyrymy qurylys, rekonstrýksııa jáne jóndeý jumystarymen qamtyldy. Onyń 3,6 myńy respýblıkalyq mańyzy bar joldar:
- Taldyqorǵan - О́skemen
- Qaraǵandy – Balqash – Býrylbaıtal – Kúrti - Qapshaǵaı
- Aqtóbe – Atyraý - Astrahan
- Qalbataý - Maıqapshaǵaı
- Úsharal - Dostyq
- Uzynaǵash - Otar
- Merki - Býrylbaıtal
- Qostanaı - Denısovka
Qurylys maýsymyna joldardaǵy jobalarǵa 200 myńdaı adam jáne 12 myńǵa tarta jol-qurylys tehnıkasy jumyldyryldy.
Jyl qorytyndysynda joldardyń sapasyn arttyra otyryp, I jáne II sanattaǵy 2248 shaqyrym avtojol paıdalanýǵa berildi. Jaqyn mańdaǵy 120 eldi mekendi qamtyǵan senimdi kólik qatynasy qamtamasyz etildi. Iri eldi mekender janynda 6 aınalma joly salynyp, kólik jáne tranzıttik tasymaldar kólemi 2,5 ese artty.
Bul rette jol qurylysyndaǵy qazaqstandyq qamtý 90%-dan asty.
Jol boıyndaǵy servısti damytý úshin tıisti qyzmetterdi tolyq qamtıtyn 71 keshen iske qosyldy. Olar: kempıngter, motelder, janarmaı quıý stansalary, tehnıkalyq qyzmet kórsetý stansalary, tamaqtanatyn jáne saýda oryndary jáne t.b.
