Aımaqtar • 14 Qańtar, 2022

Almaty oblysynda karantın kúsheıtildi

Almaty oblysynda epıdemıologııalyq jaǵdaıdyń ýshyǵýyna baılanysty jańa qaýly jarııalandy, dep habarlaıdy Egemen.kz.

«Ashyq» jobasyna qatysýyna qaramastan tómendegi sharalardy ótkizýge tyıym salynady.

- konsert zaldarynyń, sırkterdiń, fılarmonııalardyń qyzmetine;

- dinı birlestikter obektilerinde (meshitter, shirkeýler, soborlar, sınagogalar jáne t.b.) ujymdyq is-sharalar ótkizýge (juma namazy, dinı joralar jáne t.b.);

- konferensııalar, semınarlar, kórmeler, forýmdar ótkizge;

- túngi klýbtardyń qyzmetine;

- qoǵamdyq tamaqtaný obektilerindegi bar tireýlerde qyzmet kórsetý, án aıtý jáne bı boıynsha qyzmetter kórsetýmen karaoke qyzmeti (qoǵamdyq tamaqtaný boıynsha qyzmetterdi qospaǵanda);

- «Ashyq» jobasyna qatysýshy obektilerde 30 adamǵa deıin eske alýdy ótkizýdi qospaǵanda, saltanatty, buqaralyq (banketter, úılený toılary, mereıtoılar, aýyzashar, korporatıvter jáne t.b.), ashyq aýada jáne jabyq jaılarda oıyn-saýyq is-sharalaryn uıymdastyrý, ótkizý jáne qatysýǵa bolmaıdy;

- Kınoteatrlardyń («Ashyq» jobasyna qatysýshylardyń) tolymdylyǵy 30% aspaýy tıis; «600-den astam oqýshylar oqıtyn mektepter – qashyqtyqtan oqytý formatyna aýystyrylsyn.

JOO-y, arnaıy orta bilim berý obektileri aralas oqytý formatyna aýystyrylsyn. barlyq dárister onlaın, praktıkalyq, zerthanalyq sabaqtar yńǵaılastyrylǵan keste boıynsha, semınarlyq sabaqtar shtattyq rejımde ótedi.

Mektepke deıingi bilim berý – ata-analardyń (zańdy ókilderiniń) jazbasha kelisimimen oqytýdyń shtattyq formaty bolýy kerek. Qosymsha bilim berý uıymdarynda - jeke sabaqtar shtattyq rejımde, toptyq - 10 adamǵa deıin, balalar/eresekterge arnalǵan túzetý ortalyqtarynda – jeke jáne toptyq sabaqtar 10 adamǵa deıin shtattyq rejımde ótkizilýi kerek», delingen Almaty oblysynyń Bas memlekettik sanıtarııalyq dárigeri orynbasarynyń 2022 jylǵy 14 qańtardaǵy №1 qaýlysynda.

Qaýly Almaty oblysynyń aýmaǵynda COVID-19 koronavırýstyq ınfeksııasynyń taralýy boıynsha epıdemıologııalyq jaǵdaıdyń nasharlaýyna baılanysty shyqty.

Sonymen qatar qyzmetkerlerde COVID-19-ǵa qarsy vaksınasııa jáne revaksınasııa júrgizilgenine qaramastan memlekettik organdar, uıymdar jáne kásiporyndar personalynyń (tirshilikti qamtamasyz etý obektilerinen basqa) keminde 70%-y qashyqtyqtan jumys nysanyna kóshýi tıis.

Aıta keteıik, Almaty oblysynda koronavırýs juqtyrǵandardyń sany kúrt ósti. 13 qańtarda 257 adamnan atalǵan indet anyqtalǵan.

Kúnniń mańyzdy jáne ózekti jańalyqtaryn «Egemen Qazaqstan» telegram kanalynan oqyńyz