ShQO Tótenshe jaǵdaılar departamenti baspasóz qyzmetiniń málimetinshe, 15 qańtarda saǵat 20.30 shamasynda Shákárim dańǵylyndaǵy 4 qabatty turǵyn úıdegi páterlerdiń birinde órt shyqty.
«Oqıǵa ornyna órt sóndirýshiler kelgen kezde podez ishin kók tútin basqan. Olar qaýipsizdik maqsatynda 18 turǵyndy, onyń ishinde 6 balany dereý evakýasııalady. Denesin kúıik shalǵan 63 jastaǵy úı ıesi men onyń ýlanǵan 37 jastaǵy qyzy aýrýhanaǵa jatqyzyldy. Kóp uzamaı TJD qyzmetkerleri jalpy aýdany 8 sharshy metrdi sharpyǵan qyzyl jalyn tolyqtaı aýyzdyqtaldy», delingen aqparatta.
Tilsiz jaýdy óshirýge jeke quramnan 18 adam men 6 tehnıka jumyldyrylǵan. Aldyn ala málimet boıynsha órttiń shyǵý sebebi temeki shegý kezinde saqtyq sharalaryn saqtamaýdan bolýy yqtımal.
