Qazaqstan • 17 Qańtar, 2022

Kásip meńgergen qatardan qalmaıdy

48 ret kórsetildi

Memleket basshysy Qasym-Jomart Toqaev el halqyna arnaǵan Joldaýynda eńbek naryǵyndaǵy tıimdi ekojúıeni qurýǵa nazar aýdaryp, tapsyrma bergen bolatyn.

Qoǵamdaǵy túıtkildi má­se­leniń birine aınalyp turǵan áleý­mettik masyldyqty joıý­dyń tetikteri san alýan. Sonyń biri – eki qolǵa bir kúrek tappaı otyr­ǵan adamdardy turaqty jumys­qa ornalastyrý. Bul oraıda mem­leket tarapynan qyrýar ju­mys atqarylýda. Jumys is­tep, nápaqamdy tabamyn dep alǵa umtylǵysy keletin adamdar úshin barlyq jaǵdaı bar. Eń­bek naryǵynda qazir jumys berý­shilerdiń jumysshy taba almaı otyrǵany týraly az aıtylyp júr­gen joq. Demek, qoǵamnyń der­tine aınalyp otyrǵan mal bitir­mes masyldyqty joıa alsaq, qor­da­lanyp qalǵan áleýmettik má­se­­leler de birtindep sheshiler edi.

– Respýblıkada 2017 jyldan beri elektrondy eńbek bır­jasy jumys isteıdi. Bul «Sıfr­ly Qazaqstan» memlekettik baǵdar­lamasynyń júzege asyrylǵan birinshi jobasy. Oblystaǵy ju­mys berýshilerdiń 75 paıyzy turǵyndardy jumyspen qamtý ortalyǵyna barmaı-aq, óziniń jeke kabıneti arqyly vakansııalaryn ornalastyrady. «Eńbek.kz» ınternet resýrsynyń bazasyndaǵy portal turǵyndardy jumyspen qamtýǵa jáne jumysqa ornalasýyna yqpal etýge aqparattyq qyzmet kórsetedi, – deıdi oblystyq ju­myspen qamtýdy úılestirý jáne áleýmettik baǵdarlamalar basqarmasynyń basshysy Dına Ahmetjanova.

Jańa jobanyń tıimdiligi birden baıqalǵan. Burynǵydaı bos jumys ornyn izdep sabylýdyń qajeti joq. Eńbek etkiń kelse, tolymdy tabysy bar jumys ornyn úıden shyqpaı-aq taba alasyń. Buǵan portal arqyly 12 myń adamnyń jumysqa ornalasýy dálel. 2017-2021 jyldardaǵy tıimdi jumyspen qamtýdyń jáne jappaı kásipkerlikti damytýdyń «Eńbek» baǵdarlamasyn júzege asyrý aıasynda jumys istemeıtin 8 myń adam jumyspen qamtyldy. Baǵdarlamanyń birinshi baǵyty boıynsha 1 190 adam tehnıkalyq jáne kásiptik bilim aldy. Bul da óte tıimdi.

Orta jáne shaǵyn bızneske aıryqsha serpin beretin jaıt, el ishindegi adamdardyń tıimdi kásipti ıgerýi. Jappaı kásipkerlikti damytý boıynsha 1 495 adam kásip­kerliktiń negizin oqyp, 413 adam shaǵyn nesıe, 793 adam grant alǵan. Demek, óziniń oıǵa alǵan kásibin dóńgeletýge de, alǵashqy kezdegi qarajattyń qajettiligi máselesin sheshýge de tolyq múmkindik bar.

Baǵdarlamanyń úshinshi ba­ǵy­ty boıynsha 504 adam áleý­mettik jumys orny men 470 adam jas­tar tájirıbesimen, 2 448 adam qoǵamdyq jumyspen, 46 adam alǵashqy jumys ornymen qam­tylǵan. О́tken jyly 1 429 adam qatysqan 104 eńbek jármeńkesi ótkizildi. Jalpy, osy eńbek jár­meń­kesiniń tıimdiligi joǵary eke­nin aıta ketýimiz kerek. О́ńirde jumys orny jetip artylady. Aıt­paq­shy, eńbek jármeńkesi bary­synda 300-den astam adam jumys­qa ornalastyrylǵanyn aıtsaq, mundaı sharalardyń tekten-tekke ótkizilmegenin ańǵarýǵa bolady. 

Eńbek naryǵynda qatysýshy­lardyń básekelestigin arttyrý maqsatynda búginde Kókshetaý men Stepnogorsk qalasynda Aqkól, Astrahan, Egindikól, Birjan sal, Qorǵaljyn aýdandarynda 12 ju­mys izdeý klýby bar. Klýb ju­mystary nátıjesiz emes. О́tken jyly 1 925 adam jumys izdep kelse, onyń 1 482-i jumyspen qamtylǵan. Memlekettik baǵdar­lamalar men jekemenshik bastama aıasynda 26 259 adam jumysqa ornalastyrylǵan.

Bıyldan bastap kásipkerlik boıynsha 9 jobasy bar Ulttyq joba júzege asyrylmaq. Bul jo­ba ult densaýlyǵy men bili­min, kásipkerlikti damytýdy qamtı­dy. Eldiń turmys jaǵdaıyn jaqsartýǵa baǵyttalǵan turaqty ekonomıkalyq ósim, agroónerkásip keshenin damytý, sıfrlandyrý, ınnovasııa men ǵylym esebinen tehnologııalyq serpin qolǵa alyn­baq. 2021-2025 jyldary Ulttyq jo­bany júzege asyrý aıasynda sýb­sıdııalanatyn jumys ornyn uıymdastyrǵannan keıin tu­raq­ty jumysqa ornalasqan adam­dar úlesin kóbeıtýge jáne sýb­sı­dııalanǵan jumys ornyn uıym­dastyrýǵa qatysatyn kásip­oryn­dar quramyndaǵy jekemen­shik sektor úlesin kóbeıtý kózdelip otyr.

 

Aqmola oblysy

Sońǵy jańalyqtar

Aldaǵy kúnderi aýa raıy qandaı bolady

Aýa raıy • Búgin, 11:35

Búgingi valıýta baǵamy

Qarjy • Búgin, 09:32

Elimizdiń birqatar oblysynda úsik júredi

Aýa raıy • Búgin, 09:18

Arǵymaqtar alamany

Aımaqtar • Búgin, 08:42

Azııanyń úzdigi dep tanyldy

Sport • Búgin, 08:40

Eki oıyn keıinge shegerildi

Sport • Búgin, 08:37

Jan Joandy jeńdi

Sport • Búgin, 08:34

Jeńilisten kóz ashpaı tur

Hokkeı • Búgin, 08:32

Túrik qyzdary top jardy

Sport • Búgin, 08:30

О́nerpaz órender tánti etti

Aımaqtar • Búgin, 08:25

Basty maqsat – qoǵam dertinen arylý

Ekonomıka • Búgin, 08:23

Uqsas jańalyqtar