Aımaqtar • 17 Qańtar, 2022

Túrkistan oblysynyń jeti turǵynynan qarý-jaraq pen esirtki tárkilendi

79 ret kórsetildi

Túrkistan oblysy PD jedel bólimsheleri eki táýlik ishinde qarý-jaraq, esirtki quraldary men dinı sıpattaǵy materıaldardy zańsyz saqtaýmen baılanysty jeti faktini anyqtady, dep habarlaıdy Egemen.kz Polisia.kz-ke silteme jasap.

Túrkistan oblysynyń aýmaǵynda azamattardyń qaýipsizdigi men qoǵamdyq tártipti qamtamasyz etý maqsatynda «Quqyqtyq tártip» jedel aldyn alý is-sharasy ótkizilýde.

Krımınaldyq polısııa qyzmetkerleri Otyrar aýdanynyń aýmaǵynda marıhýana oralǵan qaǵaz býmasy men 36 patrony bar tirkelmegen qos uńǵyly ańshylyq myltyqty saqtaǵan jergilikti turǵyndy ustady. Tintý jumystary barysynda kúdiktiden dinı sıpattaǵy 20-dan astam kitap, broshıýra jáne jýrnal tárkilendi.

Sondaı-aq, Túlkibas aýdanynda tirkelmegen sıgnaldyq tapansha men 16 kalıbrli ańshy myltyǵy tárkilengen er adam ustaldy.

Kentaý qalasynyń aýmaǵynda polısııa qyzmetkerleri azamattardyń birinen marıhýana esirtki zaty men metall kastet tapty. Al Jetisaı aýdanynda polıseıler tirkelmegen gaz tapanshasyn, túrli kalıbrli 20-dan astam patron men marıhýana salynǵan túıinshekti saqtaǵan kúdiktini ustady.

a

Sonymen qatar, Maqtaral aýdanynda krımınaldyq polısııa qyzmetkerleri aýyl turǵyndarynyń birinen 16 kalıbrli, al Ordabasy aýdanynyń turǵynynan 12 kalıbrli kesindi tapty.

Saryaǵash aýdanynyń aýmaǵynda tirkelmegen travmatıkalyq tapansha ustaǵan aýdan ortalyǵynyń turǵyny ustaldy.

Barlyq faktiler SDTBT-de QK-niń 296-baby «Esirtki quraldarymen, psıhotroptyq zattarmen, sol tektestermen ótkizý maqsatynsyz zańsyz jumys isteý» jáne QK-niń 287-baby «Qarýdy, oq-dárilerdi, jarylǵysh zattar men jarylǵysh qurylǵylardy zańsyz satyp alý, berý, ótkizý, saqtaý, tasymaldaý nemese alyp júrý» boıynsha tirkelgen.

Qazirgi ýaqytta sotqa deıingi tergeý amaldary júrgizilýde. Birqatar saraptamalar taǵaıyndaldy.

Sońǵy jańalyqtar

Dollar 10 teńgege qymbattady

Qarjy • Búgin, 16:23

Referendýmǵa latvııalyq baqylaýshylar keledi

Referendým-2022 • Búgin, 15:25

Saıajaıdan esirtki zerthanasy tabyldy

Aımaqtar • Búgin, 13:07

Uqsas jańalyqtar