Qazaqstan • 18 Qańtar, 2022

Úkimet basshysy: Epıdjaǵdaıdy qatań baqylaýda ustaý qajet

100 ret kórsetildi

QR Premer-Mınıstri Álıhan Smaıylov Úkimet otyrysynda monıtorıngtik toptardyń jumysyn jandandyrýdy tapsyrdy, dep habarlaıdy Egemen.kz.

«Elimizdiń barlyq óńirlerinde koronavırýstyq ınfeksııamen syrqattanýshylyqtyń kúrt ósýi baıqalady. Jyl basynan beri aýrý 21 esege ósti. Tek Túrkistan oblysy «sary» aımaqta. Al «qyzyl» aımaqta qalǵan aımaqtar bar. Vırýstyń eń kóp taralýy elordada, Almatyda, Qaraǵandy jáne Atyraý oblystarynda dert táýligine tirkeledi. Biz kúrt ósýdi boljadyq. Eń bastysy - barlyq óńirlerde epıdjaǵdaıdy qatań baqylaýda ustaý qajet», dedi Premer-Mınıstr Úkimet otyrysynda.

Álıhan Smaıylov koronavırýstyq ınfeksııanyń taralýyna jol bermeý jónindegi vedomstvoaralyq komıssııa óńirler úshin naqty oryndalýy tıis qosymsha shekteý sharalaryn qabyldaǵanyn atap ótti.

«Aldyn alýdyń negizgi sharalary - betperde kııý, áleýmettik qashyqtyqty saqtaý. Adamdar sanıtarlyq talaptardy qanshalyqty az saqtasa, aýrý soǵurlym joǵary bolatynyn túsinýi kerek. Sondyqtan monıtorıngtik toptardyń jumysyn jandandyrý qajet», dedi ol.

Sońǵy jańalyqtar

Uqsas jańalyqtar