Qazaqstan • 18 Qańtar, 2022

Aýyl sharýashylyǵy ónimderine eksporttyq shekteýler engiziledi

76 ret kórsetildi

QR Premer-Mınıstri Álıhan Smaıylov básekelestikti qorǵaý jáne damytý agenttigine monopolııaǵa qarsy den qoıý jáne deldaldyq shemalardy tergeý sharalary boıynsha jumysty kúsheıtýdi tapsyrdy, dep habarlaıdy Egemen.kz.

«Básekelestikti qorǵaý jáne damytý agenttigi monopolııaǵa qarsy den qoıý jáne deldaldyq shemalardy tergeý sharalary boıynsha jumysty kúsheıtýi qajet. Biz josyqsyz satýshylar men deldaldarǵa aqtalmaǵan jáne joǵary ústeme baǵanyń esebinen paıda tabýǵa jol bermeýimiz kerek», dedi Álıhan Smaıylov.

Mınıstrler kabınetiniń basshysy óńirler ákimdikterine saýda ústemeleri men shekti baǵalardy baqylaý boıynsha jumysty jandandyrýdy tapsyrdy.

«Qarjy mınıstrligi Saýda jáne ıntegrasııa mınıstrligimen birlesip, ımport nemese óndiris satysynan naqty taýarlardy bólshek saýdada ótkizýge deıin elektrondyq shot-faktýralardy mindetti túrde jazyp berý jónindegi pılottyq jobany júrgizý máselelerin pysyqtasyn. Bul qaıta satýdyń árbir deńgeıinde ústeme baǵa monıtorıngin júrgizýge múmkindik beredi. Málimetterdi berý úshin Saýda mınıstrligi men Qarjy mınıstrliginiń Memlekettik kirister komıtetiniń aqparattyq júıelerin ıntegrasııalaý máselelerin sheshý qajet», dep tolyqtyrdy Álıhan Smaıylov.

Ol Aýyl sharýashylyǵy mınıstrligine aýyl sharýashylyǵy ónimderin óndirý men tutyný kólemin eseptep, qajet bolǵan jaǵdaıda eksporttyq shekteýler engizýdi tapsyrdy.

«Birinshi kezekte biz ishki naryqty molaıtýdy qamtamasyz etýimiz kerek», dep túıindedi Álıhan Smaıylov.

Sońǵy jańalyqtar

Uqsas jańalyqtar