Qazaqstan • 18 Qańtar, 2022

Úkimet basshysy munaı óndirýdi reformalaýdy tapsyrdy

101 ret kórsetildi

QR Premer-Mınıstri Álıhan Smaıylov Energetıka mınıstrligine bir aı merzimde munaı ónimderin óndirý jáne satý qurylymyn reformalaý boıynsha zańnamalyq túzetýler daıyndaýdy tapsyrdy, dep habarlaıdy Egemen.kz.

«Jetkizý tizbegin qysqartyp, munaı ónimderine baǵa belgileý tájirıbesin taldaý qajet. Energetıka mınıstrligine bir aı merzimde munaı ónimderin óndirý jáne satý qurylymyn reformalaý boıynsha zańnamalyq túzetýler daıyndaýdy tapsyramyn», dedi Álıhan Smaıylov.

Mınıstrler kabınetiniń basshysy búgingi tańda memlekettik organdar kómir qunynyń ósýine jol bermeý úshin jumys júrgizip jatqanyn aıtty.

«Osyǵan baılanysty Básekelestikti qorǵaý jáne damytý agenttigi Indýstrııa mınıstrligimen birlesip, kómir baǵasyn 2021 jylǵy deńgeıde saqtaý boıynsha zańnamada kózdelgen sharalardy qabyldaýy qajet», dep atap ótti Álıhan Smaıylov.

Budan basqa, Indýstrııa mınıstrligine tamaq ónerkásibiniń júktelmegen jáne toqtap turǵan qýattaryna monıtorıng jáne taldaý júrgizý jáne olardy odan ári tıeý jónindegi sharalardy iske asyrý tapsyryldy.

«Búgin usynylǵan sharalardy eskere otyryp, Ulttyq ekonomıka mınıstrligine memlekettik organdarmen birlesip, bıylǵy 1 aqpanǵa deıin ınflıasııany baqylaý jáne tómendetý boıynsha keshendi sharalar engizýdi tapsyramyn», dep túıindedi Álıhan Smaıylov.

Sońǵy jańalyqtar

Uqsas jańalyqtar