Búginde qaıyrymdylyq qorda 12 mıllıard teńgeden astam qarjy bar. Aqshany iri bıznesmenderden bólek qarapaıym qazaqstandyqtar da aýdarǵan. Qor basshysynyń aıtýynsha, alǵashqy qarjy qańtardaǵy búlik kezinde qaza tapqan áskerı jáne polısııa qyzmetkerleriniń otbasylaryna baǵyttalady. Aqshanyń bir bóligi aýrý balalardy emdeýge jumsalady.
«Qazaqstan halqyna» qorynyń quryltaıshylary retinde úkimet iriktep alǵan 4 qoǵamdyq uıym tanyldy. Alaıda olardyń qatary áli artýy múmkin. Biz qaıyrymdylyqpen aınalysatyn qoǵamdyq uıymdarmen jumys isteıtin bolamyz. Biz olardyń áleýmettik jobalaryn júzege asyrý barysynda áriptestik ornatamyz degen úmittemin», dedi «Qazaqstan halqy» qorynyń basqarma tóraǵasy Bolat Jámishev.
