Úkimettiń demografııalyq daǵdarysty retteý maqsatynda turǵyndardy belsendi túrde bala kóterýge úgittegen barlyq is-sharalaryna qaramastan, 2021 jyly týý kórsetkishi jańa rekordtyq deńgeıge jetti.
Qytaı Ulttyq statıstıka bıýrosynyń málimeti boıynsha, ótken jyly álemdegi eń kóp halqy bar el 10,62 mıllıon týýdy nemese 1000 adamǵa 7,5 týylýdy tirkedi, bul 1949 jyly kommýnıstik Qytaı qurylǵannan bergi eń tómengi kórsetkish.
Qytaı demograftary eger bul daǵdarys toqtamasa, Qytaı halqy kóp uzamaı azaıa bastaýy múmkin dep eskertedi
Sonymen qatar Ulttyq statıstıka bıýrosynyń basshysy Nın Szıchje bala týýdyń tómendeýine tek áıelder jasynyń ulǵaıý men, jas otbasy sanynyń azaıýyna álemdik pandemııanyń da zor áseri baryn jetkizdi.
О́tken jyly 20-dan astam provınsııalyq nemese aımaqtyq úkimetter otbasyn josparlaý týraly zańdarǵa, sonyń ishinde áıelder úshin júktilik jáne bosaný demalysyn uzartýǵa túzetýler engizdi. Mysaly, Shyǵys Chjeszıan provınsııasy úshinshi balaǵa 188 kúndik júktilik jáne bosaný demalysyn usynady; al Soltústik Shensı provınsııasynda áıelder úshinshi balanyń týylýy úshin 350 kúndik aqyly eńbek demalysyn paıdalana alady.
Asel Jıgıtova, L.N.Gýmılev atyndaǵy Eýrazııa Ulttyq ýnıversıteti
fılologııa fakýltetiniń stýdenti.
